網民呻新樓廁所透明玻璃難接受批評無法邀訪客

社會事

網民呻新樓廁所透明玻璃難接受批評無法邀訪客

2021年04月08日 20:30 最後更新：04月09日 00:45

有網民在「香港討論區」發文，指近日陪朋友去睇樓，在一個百幾呎的納米樓新盤單位中見到洗手間裝設了透明玻璃間隔，批評設計不能接受，一舉一動都被看光光，感覺有如情趣酒店。

網民批評，不知道甚麽設計師會設計成這樣，雖然一人單位一般得一個人居住，但「但一個人都有朋友架嘛，朋友嚟到想去個小便都唔知點去，真係尷尬到」。他於是問「但呢啲正常係咪唔會再改裝修？」

有人亦批評「新樓設計好多不知所謂」。其他網民則指出「通常裏面都加塊捲簾的」，也有人解釋，玻璃間隔可以增加空間感，「間屋已經細，仲唔再全開放式就好似住係Locker入面咁，所以廁所都要透埋用盡每寸空間」、「留意係納米樓, 廁所隔離就係睡床, 唔裝玻璃增加空間感做示範單位真係搵福水買」。

有人認為，「咁細個單位，就算唔透明，你都 feel 倒好似有人喺隔離咁。我諗真係預你唔會有朋友上嚟囉。坐都冇位坐啦。」、「一人單位仲有資格請朋友? 劏房唔通又請朋友?」、「細到咁都好意思請朋友？」。有人則反駁，「好慘喎...出得黎住連朋友都冇資格有？」。

帖文轉載自《真係有人接受到屋企個廁所係透明玻璃？時鐘咩！？》

至於為什麼很多酒店喜歡把浴室設計成透明，網上網民歸納出幾點，包括讓房間看起來更大：玻璃隔間厚度比較薄，相比磚牆隔間能省出不少空間，而且玻璃隔板顯得整個房間更加通透，視覺上看起來就覺得更寬敞。

節約用電：有些客人睡覺時可能會忘記關掉浴室燈，如果酒店浴室是玻璃式的，不關燈就會影響客人睡眠。因此，如果是玻璃間隔，就可以在一定程度上促使客人關燈，節約用電。

節省成本：幾塊玻璃加點配料，相比打造普通的洗手間，不但得砌牆還得做防水，貼瓷磚，外面可能還得貼牆紙，材料成本和人工成本都差了幾倍。

還有就是方便打掃清潔、提升住客安全性能、營造情趣氛圍等。

往下看更多文章

鰂魚涌婆婆住「垃圾屋」雜物堆成山團隊招義工幫清理網民見地址卻步

2024年05月10日 12:30 最後更新：14:52

鰂魚涌一名婆婆的住所猶如「垃圾屋」，她每晚只能睡在垃圾堆上，有團隊招募義工幫婆婆打掃，網民見地址即卻步。

恐怖「垃圾屋」雜物堆到上天花板

該團隊於Facebook 群組「家居維修交流平台」發文，指一名居於鰂魚涌70多歲的婆婆，長年囤積雜物，令其住所垃圾堆積如山，雜物甚至堆至接近天花板的高度。

與同住兒子關係破裂家中漏水影響鄰居生活

從照片所見，婆婆家中充滿雜物包括各種衣物、電器、廁紙、膠袋等。雜物佔據全屋，寸步難移的她每晚只能睡在垃圾堆上。極惡劣的居住環亦影響了婆婆與同住兒子的關係「阿仔已經頂唔順佢阿媽嘅囤積，所以已經關係惡劣」。垃圾亦遮擋了漏水位置，令漏水問題日益嚴重，甚至影響鄰居的生活「加上屋內漏水而冇法處理⋯嚴重影響鄰居生活」。

團隊招募義工幫忙清潔

為了協助婆婆解決問題，團隊應食物環境衛生署的請求，希望能夠招募15名男女義工，前往婆婆位於鰂魚涌南豐新村的居所，幫助清理囤積已久的垃圾，而食環署亦會派員協助清理工作。

網民：住私樓，自己出錢比人攪！

帖文引熱議，有網民認為婆婆的居所南豐新村為私樓，理應有能力自費請人清潔，不應依賴義工的幫助「住得南豐新村，佢自己出錢比人攪la」、「住南豐新邨，唔係公共屋邨」、「住南豐經濟唔會差，點解唔比錢清」、「住得南豐新村，會唔會考慮用日薪搵人幫手清理？」、「南豐新村私人樓，佢又有個仔，除非你話我知佢個仔又聾又啞又跛，唔係搵乜義工幫手，你好得閒？」

樓主則回應表示「住私人樓宇唔代表係有錢人，更加唔代表佢係一個正常人，正常人就唔會瞓喺啲垃圾上」。