恭喜晒。
MIRROR在ViuTV首個音樂頒獎禮《Chill Club推介榜年度推介20/21》中以團隊及個人身份共奪8個獎項。
MIRROR在ViuTV首個音樂頒獎禮《Chill Club推介榜 年度推介20/21》中以團隊及個人身份共奪8個獎項，隊長Lokman感謝Fans支持，原以為出席公司頒獎禮心情較輕鬆，但得到金曲獎及組合金獎時心情難免波動，若致謝時掛一漏萬望多多包涵。而Tiger稱要排好演唱會，務求有完美演出去報答fans。此外，盛傳Jeremy將會單飛出歌，他明言不心急，指MIRROR成績好便代表自己成績好。
姜濤冇諗過拎男歌手銀獎。
至於姜濤在台上笑言不想再重現叱咤頒獎禮的「O嘴」潛力圖，認為O嘴實在太難睇，以後也要戒O嘴，又笑認幸好今次有戴口罩，遮掩了自己有點驚的表情。對於外間一直猜測他能奪「男金」，姜濤直言賽果合乎自己預期，大讚金獎的林家謙厲害，「我冇諗過拎金獎，銀獎都冇諗過，其實見到Ian得獎比自己得獎更開心，因為Ian一直以來都好努力，但冇被大家睇到，戥Ian開心！」
Ian奪「年度男歌手」銅獎
Ian
Fans聚首一堂齊慶祝
4月30日是姜濤25歲的生日，他雖然人在新加坡，為準備明天的《MIRROR FEEL THE PASSION CONCERT TOUR 2024》巡迴演唱會新加坡站外，同時亦要與MIRROR各成員一起接受當地傳媒訪問，在工作中度過，不過他早前特別製作了第15胎〈好得太過份〉，並於生日推出，送給一眾Fans。
早前特別製作了第15胎〈好得太過份〉，並於今日生日推出，送給一眾Fans。
〈好得太過份〉由徐浩作曲、陳詠謙填詞，是繼〈愛情簽證申請〉後再次跟陳詠謙合作的個人單曲作品。過去姜濤聽過很多Fans對他默默付出的故事，其中一個印象特別深刻，他說：「我聽過一個故事，有個Fans Keep住舉牌，但因為大家都舉住牌佢見唔到我，但佢覺得好值得，仲話見唔到我唔緊要，最重要係我要見到佢舉住嗰個牌，令我安心。呢件事大家聽完，連工作人員都覺得想像唔到。」所以他在去年的演唱會上，拍下自己舉應援燈牌的短片，回想那次拍攝，姜濤道：「大家見Fans出 Event 舉牌好似好容易、一瞬間嘅事情，都唔係好辛苦，但佢哋為咗舉牌呢個行動，可能要付出好多時間，提前去排隊，又拎住咁多嘢，但佢哋只係想話俾你聽佢哋喺度嘅時候。喺安靜嗰一排，我就係諗咗好多呢啲嘢，然後好想話俾大家聽，你哋對我太好喇，真係好得好過份，好感激佢哋由以前到而家，無論我發生乜嘢事情，經歷咗乜嘢低谷，佢哋都會喺度。」〈好得太過份〉亦因此而誕生。
過去姜濤聽過很多Fans對他默默付出的故事，其中一個印象特別深刻
今次拍攝MV時，姜濤拿來大量Fans寄給他的信件作為道具，他表示其實很喜歡收到Fans的來信，他說：「不嬲都鼓勵Fans寫信俾我，唔使嘥太多錢去送好多禮物俾我，因為你哋寫信俾我，我已經接收到你哋內心嘅想法，呢個重要過禮物。」被問到當中可有一些內容十分深刻，姜濤說：「令我印象好深刻嘅有太多，好似前幾日都睇到一封，佢話佢係單親媽咪，帶住幾個小朋友，唔知而家點做，只可以去聽我嘅歌去支撐住佢。我唔知自己嘅歌可以有咁大力量，去支撐住人哋，但如果你可以喺我嘅歌入面攞到力量就已經好足夠。希望大家聽完〈好得太過份〉，可以俾你哋有一個好好嘅力量，呢個係我對Fans嘅感情，但係你都可以透過呢隻歌，話俾你好重要嘅人知： 你都對我好好。」
今次拍攝MV時，姜濤拿來大量Fans寄給他的信件作為道具
今年生日雖然要在海外工作中度過，但姜濤心情大好笑著表示：「又到一年一度嘅生日，每一年嘅生日，都漸漸地變到好似唔係我嘅生日，但我好開心，大家會因為我嘅生日而聚埋一齊咁開心。好多謝一直以來支持我嘅Fans，好多謝身邊每一個愛我嘅人。今年生日願望，係希望身邊所有人身體健康，身體係好重要，希望每個人都願望成真，大家開開心心，生活愉快。」
今年生日雖然要在海外工作中度過，但姜濤心情大好
今年生日願望，係希望身邊所有人身體健康，身體係好重要，希望每個人都願望成真，大家開開心心，生活愉快。
相關影片可以按以下畫面觀看：
VIDEO
影片連結： www.youtube.com/embed/DaQNnnU1DA4
