MIRROR下周齊人綵排演唱會 花姐曾電志偉指對方不介意193言論

花姐表示已和193講，直言唔代表可以冇禮貌，佢都承諾會改。

MIRROR及ERROR經理人花姐（黃慧君）近日收到鏡粉私訊指買演唱會門票被騙財，她希望Fans不要幫襯黃牛，「詳情我唔太清楚，希望可以盡快將壞人繩之於法！」演唱會一票難求，會否像Serrini開騷般同步直播？花姐坦言不會考慮：「我哋想推出藍光DVD，收錄準備過程同後台花絮，而且聲音質素會比做直播好，相信Fans會鐘意。」

花姐收到MIRROR粉絲私訊指被黃牛呃錢。

MIRROR演唱會下月便舉行，12位成員幾時齊人綵排？花姐自認迫得眾人太緊：「不少工作係之前接落，下星期先齊人綵排。最近MIRROR都有啲沮喪，不過佢哋係《全民造星》出身，訓練有素嘅。」

MIRROR下月舉行6場演唱會。

ERROR成員193（郭嘉駿）最近因評論TVB節目及曾志偉發言而人氣急升，被稱為「3爺」的他早前指更想做「3哥」，全因恨代言米線餐廳。花姐直認品牌正斟洽合作，笑言成事的話對方可帶挈自己免費食一年米線。而193社交網Followers暴升至19.6萬，花姐也提醒他不要囂張：「我都同咗193講，直言唔代表可以冇禮貌，佢都承諾會改。」她亦就193的言論致電曾志偉，「佢話唔介意，明白遊戲規則，大家只係各為其主。」

193最近因出位言論人氣急升。

193社交網Followers暴升至19.6萬。

花姐指曾志偉不介意193言論。

大表哥新紋身好有意思！

MIRROR成員「大表哥」邱士縉（Stanley）前晚（5月5日）在IG分享他展示人生的第二個紋身，他寫道：「人生第一個tattoo係因為任性，後來自己俾佢嘅意思係: 想做就做吧，不要想太多，相信自己的直覺。而第二個tattoo係好想好好的記住媽媽。」

Stanley紋蓮花悼亡母。

Stanley上載在右肩上刻蓮花紋身的短片，原來出自韓國神級紋身大師Tatooist _doy之手。

Stanley又指「紋完之後，發現『蓮』字，係我生命有着特別的意義。」他亦上載抄經迴向功德予亡母的照片，顯示邱媽媽的名字「陳愛蓮」，而女友李炘頤Alina的原名叫李靜蓮，同樣有個蓮字，所以對Stanley來說，這個蓮字是有特別意義！

Stanley媽媽的名字有個蓮字。

而女友Alina的原名叫李靜蓮，同樣有個蓮字。