汪汪~
公眾地方突然聽到有人扮動物叫，心中都自不然問一句「搞咩鬼？」。有女網民日前在討論區分享，指拍拖數個月的男友細心又搞笑，二人在一起時十分開心，只是男方有個奇怪的嗜好，就在愛扮狗吠，對方更在公眾場合也會大聲「汪」，令她十分尷尬，直言「佢唔醜我都覺得好樣衰」。
設計圖片
這名港女日前在香港討論區以「我到底同緊一個人一齊定係同一隻狗一齊???」為題發文，表示與透過交友程式認識的男友拍拖4個多月，對方為人細心又搞笑，相處時十分開心，只可惜男友近日出現奇怪嗜好，就是「扮狗吠」。
設計圖片
她表示，男友起初只會在二人獨處時扮狗吠，但程度日漸加劇，發展至現時即使在公眾場合也會大聲扮狗吠，「問佢我地食呢個餐廳好唔好，佢大大聲係度汪！」事主形容，男友自覺此行為可愛，但她卻不以為然，「救命，佢唔醜我都覺得好樣衰」。
即使事主曾向男友提出此行為有問題，但對方依然故我，「我有叫佢唔好扮架！點知佢用汪去回應我，我真心覺得佢係覺得好好玩囉」。她又指，以往曾在男友面前提及有日劇男主角扮狗好可愛，未知是否此原因刺激對方倣效，但她則相當反感，「人地男主角靚仔好多，而且人地都係做戲囉」。
設計圖片
帖文吸引不少網民留言，有人笑指事主男友扮狗吠「名乎其實，狗公」，事主則回覆直指最介意的就是這一點，「扮貓都唔會被人話係狗公」，坦言後悔曾向男友說日劇中扮狗叫的男主角可愛，「佢而家走火入魔」。
設計圖片
有人建議事主應以嚴厲認真的態度與男友討論此事，「啲野扮一陣㗎啫，唔識乜嘢叫適可而止」、「咁你唯有唔好見佢幾日啦，等佢知扮弱智係有限度！除非佢係真弱智啦！」。
