花姐透露親身上陣拍廣告是想減少公司負擔，令MIRROR能有更好的資源。
花姐（黃慧君）講湊MIRROR和ERROR苦與樂，繼續由2018年11月3日MIRROR正式出道講起，當時花姐接受《頭條日報》訪問時話，有構思MIRROR仿傚AKB做法，花姐這次就解釋打消念頭的原因；她又公開原來有個未圓的導演夢；又講到雖然MIRROR和ERROR現在勁拍廣告，但要靠花姐幕前演出幫補的背後原因。
點擊看圖輯
花姐透露親身上陣拍廣告是想減少公司負擔，令MIRROR能有更好的資源。
2018年花姐說：「下年會再搞《全民造星》，但未必係男仔，我有個夢想《全民造星》嘅MIRROR，唔係個組合咁簡單，係個樂壇歷史，我想好似AKB咁，訓練班有夢想嘅人，加入去等佢哋繼續行MIRROR呢條路，佢哋都會大，都會個別發展，可以幫多啲人入行，將呢個精神帶落去。」
花姐監製了三屆《全民造星》以來，遇到最大難題又是甚麼？
花姐認為ERROR就算製作費不多，也有能力拍出好看的MV。
2018年花姐講到ViuTV高層魯庭暉跟金廣誠對搞MIRROR睇法：「如果唔令到呢個樂壇或者演藝圈好，大家睇住佢沉落去，大家都唔會搵到錢，不如使少少budget，令呢個圈將來更好，佢哋比較有遠見。」
人氣勁旺的姜濤和Edan，近期頻頻拍廣告。
花姐經常親自上陣拍廣告，究竟同MIRROR和ERROR又有何關係呢？
Edan的《E先生連環不幸事件》MV已過200萬點擊，花姐直言他受歡迎全靠自己努力。
花姐本打算拍廣告賺錢，可用作肥仔同Edan下首歌的製作費。
花姐為了幫補16個仔仔工作使費，拍廣告竟然一個仙都冇袋。
2018年花姐說：「下年會再搞《全民造星》，但未必係男仔，我有個夢想《全民造星》嘅MIRROR，唔係個組合咁簡單，係個樂壇歷史，我想好似AKB咁，訓練班有夢想嘅人，加入去等佢哋繼續行MIRROR呢條路，佢哋都會大，都會個別發展，可以幫多啲人入行，將呢個精神帶落去。」
花姐究竟之後為何又要改變初衷？
花姐說：「我第二年冇話好大膽咁將其他人滲入MIRROR，（嗰時話想加女仔？）我唔夠膽咁做（係咪《頭條》報道後fans好大反應？）係呀！但我唔係淨係因為fans好大反應，係聽佢哋好多意見都有啱嘅位，如果將啲人滲落去MIRROR度，好多人對佢哋有感情，陪佢哋一齊長大，由比賽到組合，突然佢哋已經唔屬於MIRROR，可能會令到fans破滅咗某啲嘢。而MIRROR畢業又係咪件好事呢？！再滲人入去會唔會影響中間默契？！冇咁團結有兄弟情呢！？好多呢啲考慮就唔搞MIRROR，唔影響MIRROR精神，我就用《全民造星》包裝呢件事，第一屆做到MIRROR；第二屆做到P1X3L同好多單頭嘅人；第三屆令到本身入咗行嘅歌手，更有實力發展，佢哋都屬於《全民造星》。」
花姐解釋放棄MIRROR仿傚AKB，其中一個原因是不想破壞他們兄弟情。
花姐監製了三屆《全民造星》以來，遇到最大難題又是甚麼？
花姐說：「我同製作團隊最難係拍完edit出街，真係好辛苦，因為用好多唔同機拍好多唔同人，有好多segment真係災難，基本上佢哋嗰三個月冇返過屋企，輪流返屋企一日，我好開心遇到班同我一齊癲嘅團隊，唔會斤斤計較，為咗節目肯捱更抵夜，但我每次開《全民造星》都會有人嗌辭職，因為真係太辛苦，冇導演肯借過嚟我嗰組！（做經理人後每年只拍《造星》？）同魯生傾咗一年做一個節目，佢就預我做《全民造星》囉！但我同寶姐（編審）都好想做其他節目，同埋我好想拍drama。我做《造星》之前，我寫咗個故事大綱畀魯生（高層魯庭暉）睇，嗰時魯生都話呢個故事OK，但係要繼續寫劇本同分場。我諗每個做製作嘅人，都有個導演夢，我由細到大都係跟綜藝同埋音樂組，冇機會拍drama，自己可以寫到個20集劇本係件好偉大嘅事。做《全民造星》跟住都冇機會寫，啱啱呢個月我再pick up番，希望快啲完成，可以再sell畀魯生。但我唔會特登寫個劇本for MIRROR，呢個係我咁重要嘅BB，一定搵最啱嘅演員，佢哋都要casting。」
由於MIRROR是偶像男團，花姐覺得MV製作費不能慳。
花姐認為ERROR就算製作費不多，也有能力拍出好看的MV。
2018年花姐講到ViuTV高層魯庭暉跟金廣誠對搞MIRROR睇法：「如果唔令到呢個樂壇或者演藝圈好，大家睇住佢沉落去，大家都唔會搵到錢，不如使少少budget，令呢個圈將來更好，佢哋比較有遠見。」
出道兩年幾MIRROR和ERROR接拍的廣告量驚人，是否已好賺錢？
花姐說：「預計5、6年先至可以回本，好多廣告都唔代表（回本），我哋投資都好多，大家都知做音樂係好蝕本嘅嘢，佢哋每次出嚟化妝、梳頭都係龐大數字，佢哋學做戲或者學樂器數目係好大，你諗吓我哋一年做廿幾隻歌，可能係其他唱片公司一倍！（一年使幾多？）梗係有7位數，點解成日都話要自己揸車，想慳埋慳埋佢哋可以上堂音樂唱歌堂。佢哋第一年出道新人，好多job唔夠膽收好多錢，仲要分畀12個人，跟住第二年社會運動同埋疫情都令佢哋少咗好多機會，但係嗰段時間對公司或者16個囝囝都好難，我記得其中一個成員同我講，我連搭錢去rehearsal都冇錢。（佢哋冇底薪？）有，但係唔夠，佢哋要有外面工作先得，但公司已經對佢哋好好，出面好多公司連底薪都冇，魯生同金生係個慈善家，幫佢哋捱得過，連去rehearsal冇錢真係好心痛。大家都覺得MIRROR好賺錢，暫時係錯覺，我好希望第時唔係錯覺。」
雖然MIRROR吸金力驚人，但花姐坦言要12個人分每人收入也不多。
人氣勁旺的姜濤和Edan，近期頻頻拍廣告。
花姐經常親自上陣拍廣告，究竟同MIRROR和ERROR又有何關係呢？
花姐說：「我唔enjoy喺幕前，但拍廣告係有原因，想減少公司負擔，令MIRROR有更好嘅嘢，ERROR我唔擔心，佢哋有生存方法，唔夠錢都可以拍到隻好好嘅MV，MIRROR係需要包裝嘅男團，唔可以求求其其，搵12套衫都係錢，公司已經投資咗好多喺佢哋身上，我可以拍廣告賺到錢減輕公司負擔。（你冇入袋？）一個仙都冇，我本身唔應該擁有呢筆錢，我唔係幕前人（算唔算為佢地犧牲色相？）個個都係咁講，我只係覺得拍咗攞呢啲錢可減輕負擔，譬如當姜濤拍MV over要同公司交待，但有筆錢幫手頂咗條數喎！袋住喺度當個基金，就算冇工開有個基金當應急都好。我成日講笑，公司冇預計Edan（呂爵安）同肥仔（梁業）出幾多隻歌，我就話畀住隻歌你哋出住先，睇吓效果，但新人出一隻歌真係搞唔掂，我諗住公司唔得都諗住攞呢個基金幫佢哋出第2隻，依家公司都認同佢哋實力，出第2隻歌冇問題！（Edan好爆！）係！Edan係最唔使多謝我，佢係自己努力令大家鍾意佢，唔係我畀機會佢，佢以前《造星》幾咁努力，做綜藝幾咁投入，佢係憑自己實力得到今日嘅嘢。」
花姐早前跟《全民造星III》參賽者Timo齊拍銀行廣告。
Edan的《E先生連環不幸事件》MV已過200萬點擊，花姐直言他受歡迎全靠自己努力。
花姐本打算拍廣告賺錢，可用作肥仔同Edan下首歌的製作費。
