藝人馬浚偉早前獲邀擔任港台的新節目主持人，他表示不會在節目上談及政治，沒想到一個口罩卻為他帶來一場政治風波。馬浚偉周二（20日）出席港台的記者會，期間有網民發現他戴上的口罩疑似印有「5、1」數字，並質疑為有「港獨」含意字樣的商標。
馬浚偉FB圖片
不少網民到馬浚偉的專頁留言洗版，而馬浚偉急回應澄清指，「那的確不是我平常戴的口罩，但我也沒有被人計算或陷害，大家不用擔心或誤會！是那天中午午餐會議後，口罩濕了，沒新的在身，經過超市就隨手買了盒全白的KF94，買的時候沒有發現什麼，就是這樣了！」，亦有網民表示其實一個口罩並不代表什麼，勸籲其他人不要太敏感。
資料圖片
馬浚偉其後亦再次開腔回應指，「其實大家都喺好大壓力下生活左一段時間，疫情令我們完全失去好多原本擁有嘅嘢，所以變得容易敏感或唔開心，我絕對能夠理解！所以我反而更會坦然公開，我最希望大家和平相處開開心心，重現過去的香港，我們一起努力吧！5月3號起記得聽我新節目呀！」。
港台FB圖片
馬浚偉當日佩戴的口罩由「Savewo救世」廠商生產。「Savewo救世」亦曾被人批評，其口罩上印有疑似「港獨」含意字樣。生產商發長文澄清指，公司的英文名稱為「SAVEWO」，當中不含「5」或「1」的數字，而「SAVEWO」則為「SAVE WORLD」 的合併字。公司亦解釋了其商標的設計靈感，由英文字取自SAVE WORLD的頭文字「S」和「W」，並利用ZETA 科技向的藝術風格加以改良。
馬浚偉被指戴上疑有「港獨」含意的口罩。港台FB圖片
《新城體育會》再出動打羽毛球！
《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」
《新城體育會》昨日（4月24日）再出動打羽毛球。
郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。
今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」
Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」
黎展峯小時候獲任職羽毛球教練外公教授羽毛球技。
嬌小龔柯允原來是籃球健將，馬浚偉承諾稍後安排打籃球。
黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」
龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！
郭偉亮自爆打波絕招……就是……好快打完！
馬浚偉與郭偉亮、黎展峯、教練Arthur玩雙打。
