一名90歲老婦早前在5個月內，被騙徒合共騙去2億5000萬元，成為本港歷來金額最高的電話騙案。警方拘捕一名就讀本地大學的19歲理大一年級男學生，懷疑有人本身亦是受害者，被騙10萬，最後協助騙徒行騙老太太。
由於當是人住在山頂，又有2.5億那麼多錢被人騙去，街外人想當然地想到新地創辦人郭得勝夫人鄺肖卿，新地隨即發聲明強烈否認。今期《東週刊》找到真正受害人胡老太，她並非新地郭夫人，而是一個隱形富豪的遺孀，其姓胡丈夫是一名十分低調，生意王國遍布海外，30年前過身後，留下大筆財富給遺孀。
90歲高齡的胡老太，繼承的遺產包括她現居的山頂賓吉道一間市值約兩億元的獨立屋。1977年，胡先生以200萬購入這問3000呎大屋，如今胡老太仍在大屋居住，和她一起的只有工人。
《東週刊》獨家訪問真正受害人胡老太。
胡老太接受《東週刊》獨家訪問時不停咳，話:「同你講電話都好辛苦，氣管唔係幾夠氣….亦因為(俾人呃)唔開心，唔想見人，唔想畀人知。」
胡老太以前每年都會匯錢去美國畀外孫讀書，但今年無匯到，阿女發現後，便問她點解沒匯錢，她才同女兒講成件事，最後在律師陪同下報警。
騙案的情節比想像中簡單，都是典型的扮內地公安，話胡老太的身份遭人盜用，捲入內地一宗嚴重案件，要求她將一筆巨款存入指定銀行戶口，以證明她沒有洗黑錢，就此一筆筆地騙走她的錢。
胡老太話現在要靠阿女養。
胡老太指警方雖然成功凍結騙徒戶口內約900多萬元，「我不知道要等幾耐，才可取回部分金額。我無晒錢，真係好擔心，阿女話諗辧法，現時要靠阿女養。」
如果想知道胡老太的隱形富豪當年如何發跡，可以買本《東週刊》睇睇。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
