食韓燒2人點3人份量 燒燶成枱肉被網民指「折墮」

樓主指責不應浪費食物。

不少香港人約聚會都選擇去可以任食的韓燒放題，價錢相宜之餘又可以一嚐各種美食。但有名網友在討論區Dcard發文，指近日光顧韓燒餐廳時遇上一對「大嘥鬼」，二人點了三人份量的肉，兩小時的用餐時間只用了一小時便離去，留下一枱燒焦的肉，令樓主很反感，更形容其行為「好折墮」。

設計圖片

樓主指餐廳定價任食兩小時，在用餐時旁邊有對年輕情侶入座，甫坐下便拿了多碟生肉，份量是樓主一行三人的份量。當時他以為該對情侶是圖方便，不用多番離開座位才拿多拿，因此樓主都不為意。約一小時後，樓主便看到二人離開，看到其枱面無論是爐上還是碟上，全都放滿燒焦的肉，「好似每樣嘢咬咗幾啖冇耐性燒就走咗」。

2人點了3人份量的肉，兩小時的用餐時間只用了一小時便離去，留下一枱燒焦的肉。網圖

樓主形容其行為「好折墮」，指責不應浪費食物，又指他們並非老一輩，「嗰啲鍾意食嘢食淨幾啖嘅人」，「攞一大堆嘢食返嚟然後全部燒燶曬，跟住咬兩啖食唔到就全部唔食走人」，他認為這種行為「真係好過份」。他認為如果遇到未嘗過的食物的話，可以拿取少量嘗試，避免事後不喜歡而浪費。就算打邊爐任點牛肉，他也盡量食幾多點幾多，以免一次過點大量卻食剩。他表示，食資源並沒我們想像中充裕，就算這一代不受影響也要為下一代著想，更指「呢個世界仲有好多人嘢都冇得食，可能我哋嘅一餐對佢哋嚟講，已經係三餐甚至更多」。

設計圖片

帖文發布後有不少網民留言表示認同，「真係食得落先好嗌，有啲人真係俾咗錢就當自己大晒咁亂嗌」、「堅認同，呢個世界好多人連肉都未食過，仲要咁浪費。佢地應該要去補返個大氣層，所以我係贊成食唔哂罰錢嘅原則」。但有網民指，有些餐廳表示會收取清潔費，但都形同虛設，「好多餐廳都有寫話要收清潔費，但幾多真係有收？」、「就算寫收清潔費啲人會喺碟同碟之間放唔食嘅嘢，俾人收走」。

有名網友在討論區Dcard發文，指近日光顧韓燒餐廳時遇上一對「大嘥鬼」。網圖

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」