陳展鵬忙於拍劇單文柔自己安排生日飯 小豬比用BB聲為爸爸打氣谷新劇

老婆賢慧，囡囡可愛。

上月19日是單文柔（Phoebe）的31歲生日，早前其丈夫陳展鵬於社交網貼出對方與花花造型蛋糕的合照，並賣晒口乖：「祝美麗動人嘅陳太福如東海，壽比南山。」仲透露由於限聚令的關係難以跟太太大肆慶祝，幸最終有好多貴人出現幫忙，他指「幾難搞嘅嘢都搞得掂」。

Phoebe踢爆展鵬早前自言獲「貴人」相助安排生日飯，其實「貴人」正是Phoebe自己。

小豬比用奶音為爸爸主演新劇打氣！

正當大家狂讚陳生好老公，順利搵到間靚餐廳慶生之際，今日Phoebe於IG貼出多張照片，當中有展鵬Po過的花花蛋糕、鮮花及佈滿氣球的酒店房照，她留言踢爆老公：「別裝 @rucochan 都是我安排好，照顧好唒（晒）你地（哋）概（嘅）需要你概（嘅）浪漫同主意都擺唒（晒）系（喺）工作同拍戲上！」估計幫手安排浪漫生日飯的「貴人」，其實就是「壽星女」Phoebe自己！

Phoebe母女出Po為今晚新劇出街的展鵬打氣。

Phoebe表示一切都她自己安排好，估計相中花花蛋糕鬥係她準備的。

展鵬早前於社交網貼出太太與花花造型蛋糕的合照，並祝「美麗動人嘅陳太」生日快樂。

話雖如此，但見展鵬主演的TVB劇《逆天奇案》今晚（3日）首播，Phoebe都自認大方表示：「今晚會準時0830打開電視支持你😏 #逆天奇案」同時又教埋兩歲囡囡「小豬比」陳諾瑤為爸爸打氣，小豬比以「奶音」說：「Nick天企鵝加油！（逆天奇案加油）」冧到展鵬都忍唔住於IG晒萌女短片，並寫道：「最窩心的支持🥰」

Phoebe又埋怨展鵬把浪漫及主意都擺晒喺工作同拍戲上。

小豬比都有同媽咪慶生。

Phoebe拖實小豬比散步。

小豬比勁為食。

可愛小豬比大特寫。

最新集方力申被林夏薇「不可預測」吸引生情愫，妒火中燒陷害陳展鵬捲盜竊風波'

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。2日一集，森Sir（陳展鵬飾）捲入盜竊風波。劇情講到森Sir和阿Wing（林夏薇飾）在街上遇到搶劫案，一名外籍老婦被人持刀行劫，老婦腹部中刀，放在手袋的美金灑落一地，劫匪則落荒而逃。森Sir、阿Wing幫老婦撿好灑滿地的美金後，隨即送老婦到醫院。本來只是熱心助人，豈料卻令森Sir陷入盜竊風波！

展鵬同薇薇熱心幫助一個老婆婆，點知展鵬亦因此捲入盜竊風波。

重案組探員在森Sir的汽車搜證時，竟發現老婦消失的1萬8千元美金，森Sir旋即成為疑犯。原來所有事情都是冠峰（方力申飾）在背後搞鬼，他除了暗中安排盜竊案，還利用媒體炒作事件帶風向，律政司最終以盜竊罪起訴森Sir。而令冠峰陷害森Sir的主因竟是阿Wing。一向理性大於感性的冠峰經過與阿Wing多番相處後，被阿Wing的善良、不可預測所吸引，對阿Wing漸生情愫，故當冠峰發現阿Wing對森Sir餘情未了，即時妒火中燒設局陷害森Sir！

展鵬被懷疑偷咗老婆婆1.8萬美金。

原來係小方背後搞鬼！

小方對薇薇漸生情愫。

小方見到薇薇對展鵬餘情未了，妒火中燒！

劉緯民1985年當紅時急流勇退移民加拿大

昨晚一集尾聲，有久違香港娛樂圈三十多年的劉緯民驚喜登場！緯民哥在劇中飾演展鵬爸爸，今次難得回港客串拍劇，他接受無綫娛樂新聞台訪問時說全因家豪哥：「佢叫我要出嚟見吓人喇！」相隔多年再拍劇，他坦言感覺大不同：「覺得自己好似一個新人咁，依家好似電影方式咁拍攝，以前我哋一個studio就拍晒成場戲，講錯一句對白就要成場嚟過，依家就輕鬆咗啲。」現年73歲的劉緯民拍過不少膾炙人口的作品，並於1985年當紅時選擇急流勇退移民加拿大，後來創立珠寶公司，更被封為「珠寶大亨」。

劉緯民話今次出山拍劇係因為家豪哥。

對於能夠與緯民哥結父子緣，展鵬受訪時直言很開心：「大家都喺亞視做過，細細個都有睇過佢劇集，但當時太細個印象唔係好深刻。雖然佢已經73歲，但係佢真係Keep得非常之好，狀態好好，自己拍劇都好耐冇一個爸爸。可以同佢一齊合作係一個好好嘅回憶，希望大家都鍾意我哋呢段父子情啦！」

劉緯民驚喜客串展鵬爸爸。

展鵬話好開心可以同緯民哥合作