終於苦盡甘來。
網上圖片
鍾嘉欣向來知慳識儉，入行多年皆靠客戶贊助服裝，更不時搭交通工具出入，賺的血汗錢悉數投資買「磚頭」。她自2004年國際華裔小姐奪冠後加入TVB，一直備受力捧，2006年已買入將軍澳6百呎單位，2011年入手新都城千呎單位，至今於香港及加拿大合共有四個物業，估計市值逾3,600萬。
網上圖片
日前鍾嘉欣亮相契哥馬浚偉主持的《緣來自咖啡 2》，她表示當為供兩層樓承受極大壓力，2007年她主演《金石良緣》同時又要拍《溏心風暴》，因壓力太大，而且缺乏休息以致免疫力下降，搞到全身出風癩，又甩皮。但是她仍不敢向公司請假，當時由頭到腳、腋下、頸，肚臍，只得塊面沒有紅疹，她只敢給好友楊怡看：「我喺廁所拉開件衫畀楊怡睇，佢即時爆喊。」
網上圖片
鍾嘉欣笑指因為自己又平又捱得，所以劇接劇得到不少演出機會，她續指：「同埋我唔會say no。」馬浚偉表示與對方合作多年，其中最深刻就是《金石良緣》，他表示當時鍾嘉欣所有皮膚爛晒：「係嚴重到全部有水泡，佢啲皮係裂開晒，但你仲繼續拍，喺我面前甩皮，我叫你休息，但你喊晒講『我唔可以冧』，佢真係傻，我真係火都嚟埋，當時導演係財叔，我話我唔舒服，唔拍啦！捉佢出廠唞吓，然後佢先肯去睇醫生，我仲幫佢搵埋醫生。」
網上圖片
其後鍾嘉欣亦表示自己不善於表達想，即使成為人母情況亦沒有改善：「我怕醜、又怕事，變成好易緊張、冇自信，就算入行16年，有時都猶豫自己得唔得。」她更講到為何決定閃婚，因為覺得自己已屆適婚年齡，自然地跟著直覺去行：「當我做咗太太同媽媽之後，我嘅成長係十級跳，以前自私啲，但婚後你要做男人背後嘅女人，要學點做呢個角色，要學點照顧一對仔女，喺佢哋身上反而睇到好多自己嘅不足。」
觀看相關影片按以下畫面：
《新城體育會》再出動打羽毛球！
《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」
《新城體育會》昨日（4月24日）再出動打羽毛球。
郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。
今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」
Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」
黎展峯小時候獲任職羽毛球教練外公教授羽毛球技。
嬌小龔柯允原來是籃球健將，馬浚偉承諾稍後安排打籃球。
黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」
龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！
郭偉亮自爆打波絕招……就是……好快打完！
馬浚偉與郭偉亮、黎展峯、教練Arthur玩雙打。
