《膠戰》主持舉燈牌為Edan打氣 七仙羽想送能量塔畀姜濤助體能

不過，七師傅話因為無足夠存貨送給其他11子，為免被指偏心所以作罷。

人氣男團MIRROR昨晚（9日）在Star Hall舉行第4場《MIRROR ONE & ALL LIVE 2021》演唱會，岑珈其、魏浚笙、徐浩昌（肥腸）、黃正宜（阿正）及劉沛蘅力撐一齊主持遊戲節目《膠戰》嘅呂爵安（Edan），仲帶埋燈牌到場造勢，引起現場哄動；而呢期當旺嘅七仙羽師傅也同樣引爆粉絲爭相集郵；另外捧場客還有藝人應智越。

MIRROR昨晚喺Star Hall舉行第4場演唱會，反應依然熱烈。

岑珈其、魏浚笙、肥腸、阿正及劉沛蘅帶埋燈牌入場，力撐一齊主持遊戲節目《膠戰》嘅呂爵安。

岑珈其、阿正、劉沛衡、肥腸主持過遊戲節目《膠戰》，同Edan好老友。

「細貓」應智越都嚟捧場。

《膠戰》主持人受歡迎得被粉絲圍住。

七師傅向來「鍾情」ERROR成員保錡，原來對姜濤也痛愛有加，她自爆原本準備了一座能量金字塔贈予姜濤作加持，因姜濤經常冇時間進食，早前綵排更體力不支暈倒，但由於一座需花半年時間製成，沒有足夠存貨送給其他11子，為免被指偏心無奈作罷。

七仙羽師傅肉赤姜濤成日辛苦到暈。

七仙羽師傅也同樣引爆粉絲爭相集郵。

姜濤愈唱愈強，好有鬥志。

適逢昨日（9日）是母親節，有人舉家到場，亦有撇甩媽媽與朋友前來睇騷、不過仍有鏡粉心繫媽咪。梁生、梁太與一對分別8歲及5歲的兒女、一家四口聯同契媽前來，但並非入場欣賞；梁生指很欣賞姜濤，太太就喜歡Ian，一對小朋友就喜歡12子，大讚MIRROR肯克服和面對自己的缺點、堅持的改變自己，這種精神很值得小朋友學習；但奈何買不到門票，改為用2千多元買紀念品慶祝母親節。

梁生、梁太與一對分別8歲及5歲的兒女、一家四口聯同契媽前來買紀念品，因為撲唔到飛冇得入場。

同屬Ian粉絲的何小姐與張小姐表示一班粉絲得知開騷即用了5位數字為偶像佈置裝飾造勢，而演唱會門票則要大打友情牌才撲得到，因此同樣喜歡Ian的媽咪就沒有飛，令今個母親節都有點不開心，惟有早上陪媽咪食飯慶祝，演唱會期間多拍偶像的照片做母親節禮物。

何小姐與張小姐用了5位數字為偶像佈置裝飾造勢。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。