亦有網民覺得「樓主都幾自私」。
香港置業艱難，不少年輕人都希望能得到父母幫助「上車」。近日有男網民於討論區分享，指母親已向他表明日後打算賣樓，不會留給他，更稱「可以畀筆錢向佢買」，男網民聞言既失望又無奈，遂向其他網民詢問，「佢咁諗正唔正常？」。
shutterstock示意圖片
該男網民於「連登討論區」表示，現時居住的單位不時都有人前來接洽收購事宜，他便向母親建議不要將單位出售，指「我想將來都住呢層」，惟母親竟表示未必會將單位留予他，「如果我真係想要，可以畀筆錢向佢買」。樓主聞言心感無奈，因從沒想過母親會這樣做，「聽到嗰時感覺好怪，有啲覺得佢好似緊張錢多啲」。
設計圖片
樓主其後續指，家中兩名姊姊已嫁人，各自的老公亦擁有物業，因此令他覺得，「一直以為佢（母親）會留畀我」。樓主稱，3姊弟都有繳交家用，更表明自己會一直供養母親，過往亦曾支付10多萬元裝修費，惟如今母親的做法令他難以接受，遂向網民詢問，「佢咁諗正唔正常，係咪都會有啲父母會咁做」？
設計圖片
帖文引起網民的熱論，有網民表示樓主母親的做法屬少見，「睇錢睇得重要過自己仔女嘅一定好多，但開到口叫仔女買自己間屋嘅真係萬中無一」，「當然有好多呢類父母，只要佢心目中錢緊要過你，就自然會咁做」。
有部分網民表示能理解樓主的感受，惟單位始終屬於母親，其做法亦無不妥，「層樓又唔係你嘅，佢俾你係人情，賣走佢係道理」、「你啊媽想公平對待子女，所以可能賣樓平分，其實都合理」，亦有網民斥樓主心態自私，「樓主都幾自私，父母自己供幾十年層樓，一句唔該就想拎咗佢」？
母表明賣樓不留子，港男感無奈。unsplash圖片
資料來源：連登討論區
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
