母親節開騷冇得慶祝 花姐獲MIRROR獻花兼合唱

好sweet~

MIRROR於昨日（9日）母親節舉行第4場《MIRROR ONE & ALL LIVE 2021》演唱會，完騷後即不忘與視為母親的經理人黃慧君（花姐）慶祝節日，感激對方近3年來的照顧，12子齊齊向花姐獻花及合唱《世上只有媽媽好》，氹得花姐大呼好開心，並轉發邱士縉（Stanley）拍下的這一幕片段寫下：「愛你們，謝謝你們給我的一切」。

身為經理人的花姐，晚晚要在場館打躉。

12子齊齊向花姐合唱《世上只有媽媽好》。

花姐再感動的在社交網上載花束照，並留言：「今年冇辦法同媽咪過母親節，冇機會同大小B一齊，出門口時，心裡面諗，今日大家如果同我講『母親節快樂』可能只會帶俾（畀）我一種遺憾。最終係（喺）IG，係（喺）會場我收到大家嘅祝福，我先領會到，大家嘅出現填補左（咗）我嘅缺口，令我感覺溫暖，多謝你地（哋）。MIRROR好多謝你地（哋）嘅花，雖然有d老土，不過好sweet。過去兩年幾，同你地經歷左（咗）好多，有喜有悲，以後希望可以繼續陪你地（哋）成長，見證你地（哋）達成夢想嘅時刻。愛你們，愛你們，愛你們」。而Lokman和Anson Kong就被鏡粉在花墟野生捕獲負責買花。

花姐與12個囝囝合作近3年感情深厚。

大表哥新紋身好有意思！

MIRROR成員「大表哥」邱士縉（Stanley）前晚（5月5日）在IG分享他展示人生的第二個紋身，他寫道：「人生第一個tattoo係因為任性，後來自己俾佢嘅意思係: 想做就做吧，不要想太多，相信自己的直覺。而第二個tattoo係好想好好的記住媽媽。」

Stanley紋蓮花悼亡母。

Stanley上載在右肩上刻蓮花紋身的短片，原來出自韓國神級紋身大師Tatooist _doy之手。

Stanley又指「紋完之後，發現『蓮』字，係我生命有着特別的意義。」他亦上載抄經迴向功德予亡母的照片，顯示邱媽媽的名字「陳愛蓮」，而女友李炘頤Alina的原名叫李靜蓮，同樣有個蓮字，所以對Stanley來說，這個蓮字是有特別意義！

Stanley媽媽的名字有個蓮字。

而女友Alina的原名叫李靜蓮，同樣有個蓮字。