港女被揭曾任私影模特兒拍性感照 男友感難接受

港女不禁大呻「我做錯啲咩呀？」

愛一個人，便要接受對方的過去？有港女分享，男友近日發現她曾任私影模特兒拍性感照，質疑她曾與其他男性發生關係，令她感到非常委屈，直言那些是「健康性感」照，亦只是一份工作，不禁大呻「我做錯啲咩呀？」

設計圖片

有女網民周一（10日）在「香港討論區」上，以「男友發現我出面有性感私影 佢她嬲覺得我有同人上床」為題發文，指自己中學畢業後曾任私影模特兒賺外快，最近有朋友將她當時拍的照片傳給男友，意外令二人出現感情危機。

樓主表示，男友看完有關照片後，便即時致電她，「發晒爛渣仲喊晒口話我好過分」，表示覺得她曾與其他男性發生關係，而該些照片定必成為他人的意淫之物。樓主表示，有關照片有部分衣著「係幾性感」，可能只穿比堅尼或內衣褲，但堅決表示「我無同任何其他男人發生關係；就算連摸，我都講到明唔ok，只可以影相」，不過男友就不相信她的說法，指「要冷靜下」，更表示打算查出負責拍攝該批照片的人。

有女網民指近日被男友發現曾任私影模特兒拍攝性感照，對方感到難以接受。網圖（示意圖）

樓主對此感到相當委屈，認為照片是「健康性感」，亦沒有露出重要部位，而且自己亦不覺得意淫，更指「其實都係一份工作、一份freelance（自由業）幫補吓自己生計」，不解男友為何不信任她，大呻「我做錯啲咩呀？」

設計圖片

帖文引起網民熱烈討論，有人認為私影存在道德爭議，樓主男友感到難以接受亦可以理解，「你瞓得喺張床，又除曬衫褲，只得內衣，對住個三唔識七（嘅人）扭下擰下，我係你男朋友都接受唔到啦」、「反轉，你發現男朋友影好多女性感相，你信佢冇嘢？」、「根本就係一份賣色相職業，被人戴上有色眼鏡睇係正常，你唔好覺得冤枉」。

設計圖片

不過亦有網民指樓主男友過於保守，認為私影只是一份工作，應該相信自己的女友，又指愛她的話就應接受她的過去，「乜年代呀？男友思想封建守舊，影下性感照都唔得？」、「呢樣講個信字。就算有都係遠古時代嘅事。現在你男友應該愛你現在整個人，而唔係過去」、「如果佢真係介意，你留住佢都無用，就算比你結埋婚，佢都會有條刺！」

資料來源：「香港討論區」

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」