Stanley同Jeremy合作拍Vlog 公開演唱會花絮破3萬Views

MIRROR成員都有份出鏡。

MIRROR一連6場演唱會前日完結，不過相信一眾Fans都仲未滿足，之前Stanley（邱士縉）與女友Alina拍片時已預告會與Jeremy（李駿傑）開YouTube頻道。昨晚二人的YouTube頻道「巨龍與豬仔 Stanley & Jeremy」正式面世！知道「鏡粉」仲沉醉喺演唱會，兩人即上載演唱會綵排花絮Vlog！Stanley一開始先激嬲Jeremy，兩人本身為拍片提早1小時到場，點知因Stanley表達不清，令Jeremy早到兩個鐘，後者即「女朋友」上身向Stanley抱怨！

介紹返，Stanley係巨龍，Jeremy就係豬仔。

影片記錄不少片段，包括眾成員練歌和排舞的過程，二人又直擊其他成員的可愛場面，包括Anson Lo（盧瀚霆）指Stanley唱歌甩Beat、Edan（呂爵安）敷面膜出鏡、Tiger換衫及跟同樣有拍Vlog的Anson Kong（江𤒹生）互拍。Vlog上載15小時，觀看次數已超過3萬，亦突破1萬人訂閱，成績唔錯！

Jeremy俾Stanley伏咗，嬲嬲豬。

Frankie及Tiger都有客串。

Jeremy排練《Monster》舞蹈。

Jeremy跳到一半，Stanley走去訪問佢。

熱愛韓國女團的Jeremy休息時都要聽ITZY新歌。

Jeremy、Stanley、Edan同Anson Lo練《B.M.G.》。

Anson Lo投訴Stanley唱錯晒。

Stanley Solo翻唱《裙下之臣》。

二人搞笑指MIRROR係九展天團。

Tiger換衫片段流出，福利呀！

Edan註定冇偶包。

ERROR隊長肥仔撐Jeremy。

Anson Kong都拍緊Vlog喎。

Stanley表演《裙下之臣》條長裙大家見識過啦。

Jeremy指要挑戰阿Jer首《狂人日記》，但就講錯做《狂人物語》。

Stanley同Jeremy拍YouTube呀！

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。