找數真漢子！
《ERROR自肥企画》播埋呢個星期就完嘞，係咪開始唔捨得呢？繼梁業（肥仔）及保錡「找數」獻唱主題曲《無制限OT編集團の行動綱領》後，何啟華（阿Dee）前日亦在IG上載花絮照片說：「找數大挑戰！傳說醜樣嘅相比較易呃Like，如果呢張相可以喺IG呃到十萬like，我就發佈『DeeGor版』自肥企画主題曲《無制限OT編集団の行動綱領》 ！」
呃LIKE Po。
以ERROR今時今日嘅地位，一個Po要過十萬Like好輕鬆，用咗一日時間已達標，阿Dee尋晚（17日）喺IG Story已預告《ERROR自肥企画》播畢後一分鐘即找數，然後冇然後嘞，睇片啦，大叫啦，好型呀阿B（阿Dee暱稱叫阿B呀）。
公布呃LIKE成功。
找數真漢子。
阿Dee的找數Po仲有個訊息想帶出，「此舞種為#Popping ，如果大家真心想學，不妨用下力上網search，香港有好多好出色嘅#PoppingDancer ，每個人都有自己風格，源自於你學邊種基本功為主，學Popping嘅副作用，會能夠更加了解自己身體每一個部分嘅機動性，好似我跛嘅又跳得，飲醉亦跳得，掂呀！」
好型呀。
《同居少女諸事卜》性格不同的三個「Z世代」女生一邊尋找愛情真諦，一邊探索自我和人生的多樣性，尋找作為女性真正的需求。
電訊盈科旗下泛區域串流視像平台Viu宣布再度攜手「本地製作」，開拍Viu Original本地原創劇《同居少女諸事卜》，並於今日（5月4日）舉行開鏡記者會，監製伍健雄率領劇集主角雲浩影（Cloud）、吳家忻（Kayan9896）、蘇皓兒（Chloe）、郭嘉駿（193）和何啟華（阿Dee）出席切燒豬儀式，預祝收視長紅！
《同居少女諸事卜》舉行開鏡記者會。
右起：雲浩影、吳家忻、蘇皓兒、郭嘉駿、何啟華和鄧月平
《同居少女諸事卜》以時下流行的占卜為題材，講述三位生於1997年至2009年間的「Z世代」女生Iris（Kayan9896飾）、Tracy（蘇皓兒飾）和Sammy（雲浩影飾）於同一屋簷下的生活點滴。性格不同的三個女生一邊尋找愛情真諦，一邊探索自我和人生的多樣性，尋找作為女性真正的需求。
《同居少女諸事卜》三位主角雲浩影（右起）、吳家忻、蘇皓兒。
繼《#她和她的戀愛小動作》後，Kayan9896再度參演Viu Original原創劇，她興奮表示：「今次套劇多咗兩個室友，三個女仔圍埋占卜傾心事，成件事好似返到學生時代。」談到劇中飾演神婆，Kayan9896自言自己不算迷信，並指「戀愛係兩個人嘅事，有問題應該大家拎出嚟傾，唔使求神問卜嘅！不過現階段我就冇乜呢個煩惱。」
Kayan9896
至於「籃球女神」Chloe則坦言接拍《同居少女諸事卜》是自肥計劃：「Tracy呢個角色唔只係籃球員，仲要係前港隊成員。我本身好鍾意打波，入行之後一直希望有機會拍一啲同籃球相關嘅題材，所以今次一收到劇本已經十分期待。」
蘇皓兒
《同居少女諸事卜》圍繞三個女生和五段關係的故事。劇中Cloud周旋在「初戀情人」193和「穩交男友」阿Dee之間，堪稱全劇「艷遇擔當」！問到Cloud如何二揀一，她笑謂無福消受：「嘩，兩個都好好，點輪到我揀？不過佢哋好搞笑，所以對戲時我要一直忍笑，真係好有難度。」她亦笑言兩位男士使出渾身解數討她歡心，讓她受寵若驚，站在一旁的193和阿Dee則揚言為了女神可以隨時大打出手，逗得伊人合不攏嘴。
Cloud（中）在新劇會周旋在193和阿Dee之間。
《同居少女諸事卜》故事簡介：
窮苦籃球運動員Tracy（蘇皓兒飾）搬到表姐Iris（Kayan9896飾）的出租屋準備展開新生活，豈料Iris的前室友Sammy（雲浩影飾）卻突然反口要搬回來，兩房一廳的單位頓時不夠住！夾在中間的神婆Iris唯有以占卜擺平矛盾，順道揭開三個女生大相逕庭的愛情觀！一間屋，三位少女，五段關係，道出當下千禧世代女生的戀事。
蘇皓兒、吳家忻、雲浩影
