林夏薇表示證明觀眾在意劇情發展。
林夏薇與馮盈盈今日宣傳劇集《逆天奇案》，對於收視成績理想，前者稱對劇組好鼓舞，希望觀眾能夠繼續支持，稍後會有更多案件及演員出場吸引大家追睇。
劇集播出2星期，女主角林夏薇出場機會比較少，戲份更遭盈盈蓋過，有報導形容為「女一捧女二」，薇薇對此表示：「不覺得有此現象，作為演員覺得角色設定好，有發揮，收到劇本便專注角色，沒有在意戲份多與少。（網民戥你唔抵？）大家好在意我和展鵬發展，證明觀眾鍾意。」
對有報導形容為「女一捧女二」，薇薇同盈盈都唔覺得係咁。
薇薇又指自己已再次出場，對於老公會追看捧場，會否怕對方看不到她而失望？薇薇表示：「老公和我一齊追，他會想睇我多啲，昨晚我再出場有一段感情戲，可惜老公剛剛走開，不知道他是有心定無意呢？」對於被指戲份少會否不開心？薇薇表示不會，作為演員只專注自己演出，演出成果是團隊的事，是大家一同努力，最重要是觀眾繼續支持。
馮盈盈
而盈盈亦表示冇感受到有此現象，笑指自己的演出是負責考驗薇薇與展鵬二人的感情，作用是試驗他們是否情比金堅、是真愛，演出是有舖排，她與薇薇也有同場戲，感受到對方演出很有爆發性，笑言請觀眾有耐性看下去。
一眾演員對於收視理想覺得好鼓舞。
經典「紙戒指」求婚重現強攻網友集體回憶！
由劉家豪總監製、陳志江監製、岑國榮、孫浩浩擔任編審的《逆天奇案2》，本周一至周五晚八點半翡翠台播映結局篇。昨晚（6日）一集講到森Sir（陳展鵬飾）被陷害入獄後，阿Wing（林夏薇飾）前往探望；二人經歷過各種患難後，阿Wing終發現原來心底一直都放不低森Sir，她隔着玻璃向森Sir說：「你出返嚟之後，有件好重要嘅事要做，明明我成日叫你『同事』，原來有啲嘢係呃到人，但呃唔到自己，今次呢件事我發現我哋都唔可以冇咗對方，你心入面有我，我心入面都有你。我睇到你條路變得好難行，我好心痛，我想話畀你聽，我好想同你一齊行。」
「國民女友」 薇薇返嚟喇，佢向展鵬求婚！
薇薇同展鵬經歷咗咁多嘢後，終於發現自己其實放唔低展鵬。
薇薇喺展鵬最艱難時期都冇離棄佢不特止，仲調番轉頭向佢求婚，女友力Max！
紙戒指求婚靈感源自陳展鵬親身經歷
之後阿Wing戴上當年森Sir向她求婚的紙指戒，並說：「許浚森，你仲願唔願意娶我呀？我諗咗咁耐，鼓起咁大勇氣先敢向你求婚，你唔係諗住Say No呀嘛？」森Sir即說：「娶，我梗係娶你啦！」最後兩人隔着玻璃做出定情Finger Cross手勢，配以展鵬獻唱的插曲《後悔萬年》做背景音樂，浪漫指數爆標。上輯被封為「國民女友」的薇薇，昨晚一集大晒最強女友力，不單對陷入人生低谷的森Sir不離不棄，更主動向他求婚，絕對是患難見真情。而薇薇戴上紙戒指一幕，則引爆上輯森sir摺紙戒指向阿Wing求婚的浪漫集體回憶！其實紙戒指求婚情節靈感來自展鵬親身經歷，他曾經公開現實中亦是以紙戒指向太太單文柔求婚，相當浪漫。
冧豬指數爆標。
薇薇於笑臉跌出淚水呢個樣無敵！
網友諗番起上輯展鵬用紙戒指求婚一幕。
網友諗番起上輯展鵬用紙戒指求婚一幕。
「麻煩老爺」李龍基出招補鑊 黃智賢蔣祖曼婚事有轉機
另邊廂，Nic Sir（黃智賢飾）和Hazel（蔣祖曼飾）的關係亦有所進展！原本Hazel因Nic Sir爸爸福伯（李龍基飾）要求簽婚前協議書煞停婚事，來到結局篇，知衰的「麻煩老爺」福伯急急出招補鑊，與Nic Sir和Hazel吃飯時，透露睇相時被批印堂發黑將面臨劫數，借意催兩人結婚沖喜，講明不用再簽婚前協議之餘，更賣口乖謂：「我搞個龍捲風出嚟你哋都頂得順，一段感情經得起波折，一定打風都打唔甩！」Hazel聽畢態度明顯軟化，由「以後唔好同我提結婚兩個字」演變成「唔好提結婚住」，看來二人關係柳暗花明。
「麻煩老爺」李龍基出招補鑊。
再向黃智賢同埋蔣祖曼逼婚。
蔣祖曼態度明顯軟化，由「以後唔好同我提結婚兩個字」演變成「唔好提結婚住」，唔怪得黃智賢咁開心啦。
