黃翠如同Inez講：「你唔要佢就冇人要。」
蕭正楠與老婆黃翠如跟洪永城（Tony）老友鬼鬼，阿蕭回應Tony與梁諾妍（Inez）婚訊，笑稱：「見到佢『嫁』得出，我都好開心！我決定唔做兄弟，要佢斟茶畀我哋！小洪乖乖哋，相親相愛！（要跪地斟茶畀你嗎？）當然要啦！佢唔係唔跪呀嘛！」
蕭正楠夫婦同Tony老友鬼鬼。
洪永城與女友梁諾妍今日齊齊宣布婚訊。
黃翠如則在社交網貼長文：「洪永城，終於等到這一天。對著這個笨城，總有說不出的感受，一起成長互相關懷的時間不多，互相吵架的時間卻太多。然後進入tvb，一起經歷完全不同的工作環境，一起捱着批評，一起變得更加強大。記得有一些日子，我成為雜誌封面常客，那些標題令我感到很難受，然後這隻大笨說要幫我出聲，要寫什麼驚世的反擊，當然最後我撳住了他（他也有可能只是說說），然而，那是我第一次感受到這位大笨也懂照顧人。到後來，我發現他很會照顧別人，就是對我特別差，所以我怎會不討厭他⋯⋯」。
黃翠如實在太了解洪永城。
翠如續謂：「Inez, you are the one, 感激你接收他，雖然他有太多缺點，又污糟又煩又大男人，脾氣又差，又冇交帶，好多諗法但好少實行，話減肥個肚腩永遠喺度，每本書睇頭三頁當睇咗⋯⋯⋯但係你唔要佢，冇人要佢了。記住，如果洪大笨蝦你，我一定幫你搞掂佢。祝福兩位我愛的人。」連一起合作《張保仔》的陳凱琳都在貼文留言，標註Inez「感激你接受他」!
黃翠如彈到洪永城一棟都冇。
梁諾妍透露自己因為疏於泵奶，導致患乳腺炎，更連日發高燒要入院。
梁諾妍（Inez）與洪永城於2021年結婚，同年誕下大女「Sir Face」洪靖嵐（Amber），今年3月尾再誕細女「Sir Face 2.0」Beryl。梁諾妍平日不時在社交平台分享一家人的生活點滴，但自上周貼出「Sir Face 2.0」與老公洪永城童年的餅印相後就一直沒有更新IG，直到今日（5月9日）才在IG Story親解「失蹤」原因，指因為疏於泵奶，導致患乳腺炎，更連日發高燒要入院。
細女「Sir Face 2.0」Beryl於3月尾出世。
兩姊妹一樣樣。
洪永城基因好強大！
熱愛運動跑步的梁諾妍聽取醫生建議在產後六星期才開始嘗試慢跑，近期亦都開始嘗試行山。
但近日卻因為疏於泵奶，導致患乳腺炎，更連日發高燒要入院。
梁諾妍表示：「失蹤咗幾日嘅我終於返嚟，我去咗邊？去咗發高燒」，並透露由星期六（5月4日）晚開始發燒，而是半夜瘋狂發冷、骨痛又超攰，星期日更燒到39.2度，但五合一檢測結果仍呈一線，「諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙有試過2次過咗7個鐘先泵，又因為我量多嘅關係，應該已經塞咗。」
梁諾妍指上星期四同五太忙，曾2次過咗7個鐘先泵奶，而且她量多，所以應該已經塞咗。
梁諾妍又指，右上胸其實早已痛了多日，周日黃昏更因持續高燒不退才去醫院睇急症，「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」
雖然醫生建議留院3日打抗生素，但她最後只打了抗生素針同高燒止痛針。
不過，到昨日（5月6日）病情依然反覆，梁諾妍表示：「我努力做晒我可以做嘅，埋身親餵、2-3個鐘泵一次、準時食藥、休得就休、餵前用熱毛巾敷、餵得用凍椰菜敷、食supplements、食得清淡、飲好多水＋通草etc.」，直到今天終於沒有發燒發冷，但胸部依然又紅又腫又痛，並苦中作樂的表示：「冇發燒我已經覺得打贏咗一半，因為如果太嚴重要用針抽膿／做手術開開個乳頭放膿，omg希望冇呢一日。」
梁諾妍指如果胸部太嚴重要用針抽膿或做手術。
之後，梁諾妍又貼出在醫院自拍，並照寄語各位媽媽：「各位媽媽千祈唔好好似我咁，辛苦到唔多識形容，個胸都痛到唔識形容。過來人建議：有得親餵就餵，餵完最好再泵清佢，泵都唔好過4-5個鐘，真係會好易塞，定時要按摩，吃都要吃得清淡嘟啲（我肯定係星期四食完糯米出事）。」
梁諾妍以過來人的經歷寄語各位媽媽。
