林夏薇被封「國民女友」 陳展鵬自編續集馮盈盈帶仔搵老竇

觀眾都希望有續集。

陳展鵬、林夏薇等一眾《逆天奇案》演員昨晚齊聚將軍澳電視城欣賞大結局，二人都表示好不捨，因為得到觀眾們支持。日前一場被展鵬情傷的戲份成為話題，薇薇說：「知道觀眾跟我一齊喊，好深刻，那場喊戲我也抽離不到，因為在現實中有幾堅強，父母面前都是最後防線。」薇薇又笑言現實中完全沒有危機。

林夏薇被封國民女友微博粉絲急增100萬。

薇薇因劇集人氣急升被封「國民女友」，內地社交平台粉絲急增100萬，她稱今次演出意外收穫好多，粉絲急增更助她在平台獲得認證。展鵬搞笑稱難怪他少了粉絲，又指作為演員只希望觀眾認同，觀眾連反派都不捨他們死去，現在要有此成果好難得。問到可有聽聞總監製劉家豪打算開續集？二人稱有聽聞曾志偉向劉家豪提出開續集，薇薇笑言想在續集演反派，展鵬又笑言可安排張頴康在續集復仇，馮盈盈則帶小朋友找他，坦言仍有很多事可寫。

陳展鵬和林夏薇今次演出有大收穫。

陳展鵬力推續集劇情有好多故事可寫。

提到港姐面試中混血兒Jasmin被指與陳展鵬撞樣，他笑言相信對方條件不錯，祝對方可以奪冠軍，他又好奇自己的女裝扮相，笑言續集可寫他反串扮女人查案。

《逆天奇案》大結局活動。

林夏薇與陳展鵬開心劇集得到觀眾感不捨，望開續集，還編排馮盈盈帶小朋友找他。

經典「紙戒指」求婚重現強攻網友集體回憶！

由劉家豪總監製、陳志江監製、岑國榮、孫浩浩擔任編審的《逆天奇案2》，本周一至周五晚八點半翡翠台播映結局篇。昨晚（6日）一集講到森Sir（陳展鵬飾）被陷害入獄後，阿Wing（林夏薇飾）前往探望；二人經歷過各種患難後，阿Wing終發現原來心底一直都放不低森Sir，她隔着玻璃向森Sir說：「你出返嚟之後，有件好重要嘅事要做，明明我成日叫你『同事』，原來有啲嘢係呃到人，但呃唔到自己，今次呢件事我發現我哋都唔可以冇咗對方，你心入面有我，我心入面都有你。我睇到你條路變得好難行，我好心痛，我想話畀你聽，我好想同你一齊行。」

「國民女友」 薇薇返嚟喇，佢向展鵬求婚！

薇薇同展鵬經歷咗咁多嘢後，終於發現自己其實放唔低展鵬。

薇薇喺展鵬最艱難時期都冇離棄佢不特止，仲調番轉頭向佢求婚，女友力Max！

紙戒指求婚靈感源自陳展鵬親身經歷
之後阿Wing戴上當年森Sir向她求婚的紙指戒，並說：「許浚森，你仲願唔願意娶我呀？我諗咗咁耐，鼓起咁大勇氣先敢向你求婚，你唔係諗住Say No呀嘛？」森Sir即說：「娶，我梗係娶你啦！」最後兩人隔着玻璃做出定情Finger Cross手勢，配以展鵬獻唱的插曲《後悔萬年》做背景音樂，浪漫指數爆標。上輯被封為「國民女友」的薇薇，昨晚一集大晒最強女友力，不單對陷入人生低谷的森Sir不離不棄，更主動向他求婚，絕對是患難見真情。而薇薇戴上紙戒指一幕，則引爆上輯森sir摺紙戒指向阿Wing求婚的浪漫集體回憶！其實紙戒指求婚情節靈感來自展鵬親身經歷，他曾經公開現實中亦是以紙戒指向太太單文柔求婚，相當浪漫。

冧豬指數爆標。

薇薇於笑臉跌出淚水呢個樣無敵！

網友諗番起上輯展鵬用紙戒指求婚一幕。

網友諗番起上輯展鵬用紙戒指求婚一幕。

「麻煩老爺」李龍基出招補鑊　黃智賢蔣祖曼婚事有轉機
另邊廂，Nic Sir（黃智賢飾）和Hazel（蔣祖曼飾）的關係亦有所進展！原本Hazel因Nic Sir爸爸福伯（李龍基飾）要求簽婚前協議書煞停婚事，來到結局篇，知衰的「麻煩老爺」福伯急急出招補鑊，與Nic Sir和Hazel吃飯時，透露睇相時被批印堂發黑將面臨劫數，借意催兩人結婚沖喜，講明不用再簽婚前協議之餘，更賣口乖謂：「我搞個龍捲風出嚟你哋都頂得順，一段感情經得起波折，一定打風都打唔甩！」Hazel聽畢態度明顯軟化，由「以後唔好同我提結婚兩個字」演變成「唔好提結婚住」，看來二人關係柳暗花明。

「麻煩老爺」李龍基出招補鑊。

再向黃智賢同埋蔣祖曼逼婚。

蔣祖曼態度明顯軟化，由「以後唔好同我提結婚兩個字」演變成「唔好提結婚住」，唔怪得黃智賢咁開心啦。