一身債父母入不敷支仍堅拒「住平啲」 港男呻：侷住租屋租整世

本港樓價長期高企，住屋問題困擾不少人。有在學港男表示，父親早前需賣樓還債，因兩老的月薪共約3萬元，超過入息限額而無法申請公屋，竟堅持以每月1.9萬元的租金租住一個3房私樓單位，令樓主不禁大呻「好辛苦……即係侷住我要同佢哋租屋租到死」！

資料圖片

該名港男在網上討論區「連登」上，以「有冇人屋企冇私樓又冇公屋 逼住長租 唔知點算」為題發文，指父親現年58歲，「日頭送貨、夜晚保安」，母親40歲尾，「一星期返6日便利店」，二人月入共約3萬元，但支出多於收入，再加上父親早前將賣樓所得全部用來還債，儲蓄已所剩無幾。

資料圖片

樓主續指，由於父母仍然「年輕」，收入亦超過申請公屋的入息限額，而自己畢業後準備投身社會，根本無可能申請公屋，一家被迫長期租樓住，不禁大呻「租金好貴，屋企搵幾多就拎晒幾多嚟應付租金同日常生活，好辛苦！」

而且，最讓樓主接受不了的是，父母每月堅持以1.9萬元租金，租住一個3房私樓單位，亦不肯「住平啲」。樓主怒指，全家只有3個人的話，租住兩房單位已足夠，又透露「家姐搬出去同男朋友住，我下年住hall（大學宿舍）」，「但都係老人家問題，唔肯丟嘢，明明有啲衫鞋年幾兩年都冇著過，塞爆晒間房。呢間屋住咗幾年，個廳仲有啲未拆嘅紙箱。」

資料圖片

樓主狠批父母「冇咁大個頭仲戴咁大頂帽」，指責母親「貪慕虛榮要住私樓」，又表示希望畢業後可以搬走，但又無法放下父母，因而感到相當矛盾，「自己畢業後搬出嚟同人夾租嘅話，就變成兩老冇錢交租。即係侷住我要同佢哋租屋租到死」。

帖文引來大批網民留言，不少人都同情樓主的經歷，認為其父母不自量力，「住村屋把啦，同佢哋得閒禮拜六日住staycation都唔使19k咁貴」、「冇錢又要住咁好，自己攞嚟，Grad（畢業）咗就搬出去住，到時佢哋覺得冇必要就租返2房㗎啦」、「我就grad，同你一樣處境，不過再慘啲，老豆以前係公屋換居屋再換私樓，所以而家就算佢60歲都上唔返公屋，侷住租成世樓，我又冇兄弟姊妹，搵得嗰10幾k人工，都唔知點算」。

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」