社會事
本港打工仔或多或少都有「射波」經驗（詐病請假），有些人甚至跟醫生培養出默契！有打工仔指，每月都會「射一次波」，每次都會睇同一個醫生，次數之多令醫生都懶得交戲、爽快完場！
設計圖片
該名打工仔在網上討論區「連登」上，以「有冇人射波拎假紙射到醫生唔交戲？」為題發文，指近日到診所欲拿醫生紙「射波」，一坐下已「開始想交戲，發揮下自己演技」，裝作身體非常不舒服。怎料醫生見狀竟直接表示「照舊啦」，然後一邊在電腦中輸入文字，一邊跟樓主閒聊；聊得差不多時，醫生更對樓主指「好啦咁，下個月再見啦！」
設計圖片
設計圖片
帖文惹笑一眾網民，不少人都認為該名醫生「頭盔都唔戴」，更笑言「幫人射波算唔算係醫生副業」；亦有網民分享自己的有趣「射波」經驗，「以前睇醫生10秒搞掂，坐低話頭暈要假紙，咁就完咗」、「入房坐低醫生就問我要幾多日先」、「睇親佢（醫生）一見一定『喂陳生好耐無見喎』、『近排有咩搞作』、『知你好想返工但唔舒服，要休息呀』」。
一名打工仔每月都會「射波」，更與醫生培養出默契。資料圖片（示意圖）
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
