成功上樓並有自己的安樂窩，相信亦是不少人的心願。有30多歲的港男近日在網上發文指，自己多年來一直與父母同住，近日終於成功「上車」，但指父母以舊屋需裝修為由，提出到其新家暫住，令他大感煩惱。
資料圖片
樓主日前在連登討論區，以「新屋就嚟入伙，老豆老母堅持要搬過嚟暫住」為題發文，指自己與父母同住一個200呎的1房單位，一直沒有私人空間，並過著「零私隱嘅生活」。樓主續指，近日終於靠個人積蓄成功「上車」，並計劃自己獨自居住400呎的新單位，但指父母突然以舊屋需裝修為由，提出到其新家暫住，「唔知住幾耐」。
資料圖片
樓主隨後「表達咗少少唔情願」，但父親已面色大變，母親則斥責他不懂感恩。樓主不禁在帖文中大呻，「我只係想有返30幾年嚟都冇嘅少少私人空間，點解咁都要情緒勒索?」他又指，現時的家中氣氛「好僵」，並指「一直同屋企人關係唔差，唔想搞到咁僵」。他亦指，曾提議請父母到酒店暫住，但對方堅持到其新居。
資料圖片/示意網圖
相關帖文隨即引起網民熱議，有人認為樓主應拒絕父母的要求，並直言「你俾得鎖匙就收唔返」、「應承咗就玩完」、「千祈唔好畀鎖匙佢哋啊，易送難請啊」、「佢地會賣咗舊屋，搬嚟住」、「話唔定佢哋一暫住就住成世」等。另有網民認為，即使樓主不願令雙方的關係變差，亦沒有選擇權，「佢地唔尊重你意願=佢地將個關係搞到僵」等。
資料圖片
帖文來源：連登討論區
港男家中陷財困需賣樓解困，但母親將雜物塞滿600呎單位導致一屋蟲屍，令他欲哭無淚指「根本冇人想要」。
(FB圖片）
母親囤積成癮在單位塞爆雜物
該港男的女友於Facebook群組「香港突發事故報料區及討論區」發文，表示「男友叫我代po唔想揚」，她提到，男友的父母住在一間約600呎的自置單位，但因母親長期囤積各種雜物，家中只剩50呎的活動空間。
物品堆疊至天花板衛生狀況惡劣
從照片可見，客廳內堆滿了一袋袋及一箱箱的物品，物品堆疊至已經剝落的天花板。窗戶也被雜物遮擋，室內冇光非常陰沉。而屋內僅剩一條狹窄的通道勉強通行。樓主表示這些雜物不僅影響了居住環境，還引來蟲蝨，衛生情況惡劣。
(FB圖片）
男友父親出現經濟問題需賣樓但單位無人問津
該女網友指男友的父親最近遇到經濟問題，「要用好大金額」急需賣樓籌錢，但由於單位狀況太差，根本無人問津「層樓而家咁樣根本冇人想要，成間屋又多雜物多蟲屍，仲要唔知係咪蚤，上親去一定比嘢咬。」。
男友難頂母親惡習已搬離
樓主又指，男友的母親並不覺得自己的行為有問題，認為自己帶回來的物品沒有影響到他人。他們曾經建議父母離婚，但母親也拒絕與家人溝通解決問題。男友亦「頂唔順」，早已搬出自住，但回家後發現情況依舊沒有改善，甚至愈加嚴重。
(FB圖片）
家中有大量蟲虱清潔公司拒絕接案
男友也因為家中有大量床蝨，被叮咬引起皮膚敏感和痕癢，家人曾經嘗試過找專業的清潔公司，但對方一聽到家中有大量雜物和蟲害問題，都不願接案。樓主無奈表示「到底點可以解決到呢啲囤積問題？唔通真係要東張先唯一辦法？有咩執屋公司可以幫到？」
GETTY圖片
網民籲帶母親求醫解開心結
帖文引熱議，不少網民提議帶男友的母親求醫，了解她的心理問題，逐步說服她接受改變「屋企人可能要睇醫生，或許是精神科問題。囤積症」、「通常有呢種情緒病都係因為心結，想化解呢啲問題係要搵專家同佢傾」、「真係要想辦法捉佢去睇醫生，執100次屋都冇用」、「冇得救啦！你同佢掉左執過又點，下次又黎。直接叫佢睇醫生啦」、「睇心理輔導，疏理吓個人情緒，客觀地討論賣樓嘅必要性，要佢明白無太多選擇嘅情況下需要放下」。
Getty圖片
帖文來源：Facebook群組「香港突發事故報料區及討論區」
