夥關智斌晒水著照似廣告 蔡卓妍：呢個人點影都靚

真係拍廣告一樣靚！

蔡卓妍（阿Sa）與關智斌（Kenny）向來老友鬼鬼，兩人感情十分好，過往多次相約去旅行。二人今日各自在社交網貼上在泳池中的甫士靚相。相中的Kenny大曬胸肌；穿上碎花圖案泳裝的阿Sa則大擺甫士，十足似拍廣告一樣靚。阿Sa留言：「好耐冇同陽光玩遊戲喇！#真係好鍾意同呢個人影相 #因為佢點影都靚」。

阿Sa與Kenny人靚甫士靚，令人賞心悅目。

阿Sa話好耐冇同陽光玩遊戲。

Kenny亦留言說：「昨晚數過我們一起去過旅行的城市，由最熱辣辣的曼谷、芭堤雅去到最冷的芬蘭赫爾辛基的聖誕老人村，原來我倆都走了半個地球。今日再加一站 #正蔡妍與刀疤斌。」

俊男美女

玩撥水髮…

不少網民大讚兩人好襯又靚仔、靚女，就連鄭欣宜也留言說：「吓！？呢個唔係廣告黎（嚟）㗎喎！冇天理！兩個都可以靚到咁！」最搞笑導演彭秀慧留言指Kenny的胸肌中間有條公路，Kenny回應說：「男人好緊要的一條路。」林二汶亦留言：「個胸肌罅隙都相當闊身」。

阿Sa已經好用力撥

Kenny笑到呢。

隨後，阿Sa再上載二人在泳池中撥水髮的片段，片中最衫慢鏡，Kenny先成功將水髮瀟洒向後一撥，但阿Sa頭髮較長，力度也稍弱，所以撥完仍有頭髮黐住塊面，現場爆笑聲不絕，阿Sa亦留言：「理想與現實嘅落差⋯ #點解 #究竟我做錯咗啲咩」！

原本泳照靚到似廣告，隨著阿Sa上載的撥水髮片段變搞笑片。

Twins受歡迎程度依然不減！

Twins年初在紅館舉行14場《TWINS SPIRIT SINCE 2001 LIVE IN HONG KONG》演唱會，反應熱烈場場爆滿。前日（5月7日）又有喜訊，她們到廣州出席是次「2024內地巡演新聞發布會」，將唱足14個城市，包括杭州、重慶、上海、南京、深圳、武漢、北京、成都、鄭州、佛山、廣州、泉州、東莞、汕頭。

Twins昨日（5月7日）到廣州出席了是次「2024內地巡演新聞發佈會」。

Twins配合海報造型戴上紅色拳套。

阿嬌瘦了不少！

阿Sa依然童顏。

昨日蔡卓妍（阿Sa）和鍾欣潼（阿嬌）盛裝靚爆鏡出席新聞發布會，兩人戴上紅色拳套，配合演唱會海報造型。她們透露內地巡唱歌單，將在紅館演唱會基礎上，並會增加之前很少演唱的曲目，以及普通話的歌曲。阿Sa和阿嬌狀態極佳，顏值再度成為熱話，獲網民大讚顏值登頂！

Twins靚靚出席。

靚樣成為焦點。

內地巡唱唱足14個城市。

會增加之前很少演唱的曲目以及普通話歌曲。