演惡外母怕得罪馬明粉絲 龔慈恩子女未拍拖唔急抱孫

龔慈恩認為做父母要成熟有承擔。

龔慈恩在劇集《寶寶大過天》中飾演專制的惡外母，她經常折磨馬國明。最初龔姐看劇本時有點擔心，事關馬國明有很多粉絲。問現實生活中的她是否随和得多？她覺得最緊要仔女開心，兩夫妻經營感情，互相溝通好重要。

劇集《寶寶大過天》演員齊齊做宣傳。

龔慈恩新劇挑戰做惡母。

龔慈恩基因優良，愛女林愷鈴（Ashley）被封為「最索星二代」，而細仔林卓毅（Addison）生得高大靚仔，啱啱喺加拿大名牌高中Appleby College畢業。她表示子女還未拍拖，她亦不心急抱孫，認為做家長要有責任，故不論經濟及思想上都要好成熟。

龔慈恩嘅仔女林卓毅及林愷鈴都係靚仔靚女。

龔姐同《寶》劇演員馬國明、岑麗香、車婉婉、吳黛融、吳業坤好鬼Friend。

得到一對寶貝仔女，係龔慈恩一生中最大嘅事業。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。