未知煎Pan會否萌生去意。
資料圖片
TVB劇集《逆天奇案》天跨平台最高收視達30.2點，為年度兩線劇收視冠軍，主角陳展鵬（煎Pan）可謂功不可沒。煎Pan於2018年為了照顧患病的媽媽，兼後來囡囡出世，以致有3年時間暫別觀眾，直到《逆天奇案》再現螢幕。
資料圖片
即使煎Pan闊別三年，復出後仍成為收視福將，可見人氣極旺。最近有報導指，TVB高層下令要為煎Pan增加工作機會，安排他同時接拍三部劇集，分別為正在拍攝的邵氏劇集《廉政狙擊》、張振朗與高海寧主演的《童時愛上你》，以及文偉鴻監製的新劇《隱形戰隊》。表面看來，煎Pan備受力捧，機會處處。
資料圖片
然而，最近有傳指事實卻非如此。煎Pan於《廉政狙擊》只是客串演出，可謂可有可無。而文偉鴻向來與煎Pan拍住上，兩人曾合作《城寨英雄》、《同盟》、《唐人街》、《超能使者》。不過，新劇《隱形戰隊》其實由馬國明擔正，煎Pan只得幾集戲份的反派角色。《童時愛上你》名義上由煎Pan做男主角，但其實只是個男二，實際上由張振朗擔正男一，貴為視帝的煎Pan只是陪襯。
煎Pan於公司地位下跌，視帝變綠葉，未知他會否選擇拒絕續約，離開TVB 另謀更好出路？
煎Pan於2016年憑藉《城寨英雄》贏得視帝。
經典「紙戒指」求婚重現強攻網友集體回憶！
由劉家豪總監製、陳志江監製、岑國榮、孫浩浩擔任編審的《逆天奇案2》，本周一至周五晚八點半翡翠台播映結局篇。昨晚（6日）一集講到森Sir（陳展鵬飾）被陷害入獄後，阿Wing（林夏薇飾）前往探望；二人經歷過各種患難後，阿Wing終發現原來心底一直都放不低森Sir，她隔着玻璃向森Sir說：「你出返嚟之後，有件好重要嘅事要做，明明我成日叫你『同事』，原來有啲嘢係呃到人，但呃唔到自己，今次呢件事我發現我哋都唔可以冇咗對方，你心入面有我，我心入面都有你。我睇到你條路變得好難行，我好心痛，我想話畀你聽，我好想同你一齊行。」
「國民女友」 薇薇返嚟喇，佢向展鵬求婚！
薇薇同展鵬經歷咗咁多嘢後，終於發現自己其實放唔低展鵬。
薇薇喺展鵬最艱難時期都冇離棄佢不特止，仲調番轉頭向佢求婚，女友力Max！
紙戒指求婚靈感源自陳展鵬親身經歷
之後阿Wing戴上當年森Sir向她求婚的紙指戒，並說：「許浚森，你仲願唔願意娶我呀？我諗咗咁耐，鼓起咁大勇氣先敢向你求婚，你唔係諗住Say No呀嘛？」森Sir即說：「娶，我梗係娶你啦！」最後兩人隔着玻璃做出定情Finger Cross手勢，配以展鵬獻唱的插曲《後悔萬年》做背景音樂，浪漫指數爆標。上輯被封為「國民女友」的薇薇，昨晚一集大晒最強女友力，不單對陷入人生低谷的森Sir不離不棄，更主動向他求婚，絕對是患難見真情。而薇薇戴上紙戒指一幕，則引爆上輯森sir摺紙戒指向阿Wing求婚的浪漫集體回憶！其實紙戒指求婚情節靈感來自展鵬親身經歷，他曾經公開現實中亦是以紙戒指向太太單文柔求婚，相當浪漫。
冧豬指數爆標。
薇薇於笑臉跌出淚水呢個樣無敵！
網友諗番起上輯展鵬用紙戒指求婚一幕。
網友諗番起上輯展鵬用紙戒指求婚一幕。
「麻煩老爺」李龍基出招補鑊 黃智賢蔣祖曼婚事有轉機
另邊廂，Nic Sir（黃智賢飾）和Hazel（蔣祖曼飾）的關係亦有所進展！原本Hazel因Nic Sir爸爸福伯（李龍基飾）要求簽婚前協議書煞停婚事，來到結局篇，知衰的「麻煩老爺」福伯急急出招補鑊，與Nic Sir和Hazel吃飯時，透露睇相時被批印堂發黑將面臨劫數，借意催兩人結婚沖喜，講明不用再簽婚前協議之餘，更賣口乖謂：「我搞個龍捲風出嚟你哋都頂得順，一段感情經得起波折，一定打風都打唔甩！」Hazel聽畢態度明顯軟化，由「以後唔好同我提結婚兩個字」演變成「唔好提結婚住」，看來二人關係柳暗花明。
「麻煩老爺」李龍基出招補鑊。
再向黃智賢同埋蔣祖曼逼婚。
蔣祖曼態度明顯軟化，由「以後唔好同我提結婚兩個字」演變成「唔好提結婚住」，唔怪得黃智賢咁開心啦。
