佢話唔想留下壞印象。
吳業坤作客J2綜藝節目《Mean Talk》最後一集,回應與《聲夢傳奇》大熱Chantel(姚焯菲)近日種種新聞,他強調對女方沒有任何非分之想:「真係只係畀Chantel迷倒。(有冇跟人哋返屋企)冇呀!之前知佢哋附近化緊妝,我經過都好掙扎好冇入去望下,到最後都冇,我真係好忐忑。我驚如果我行過去打招呼,佢對我有壞印象咁點算?!」即惹來其他嘉賓半嘲笑半安慰謂:「你冇事吖嘛」、「佢真係好鍾意喎咁」!坤哥聞言繼續解畫:「我寧願我係零、係nothing!都唔想係負數。」
謝東閔摸一摸坤哥帽子,暗示曾遭揶揄「戴綠帽」。
吳業坤透露出道初期曾遭化妝師白眼,令他感覺不被尊重。
坤哥還透露出道了一段日子後,曾在公司遭受化妝師白眼:「當時要排隊化妝,我見到有空位就坐落去,咁輪到我嘅時候,個化妝師只係係咁易掃一掃就話搞掂喇(1至2秒)我心諗係咪真㗎?但我又唔敢問佢係咪已經化完。我唔係要你化到我好靚仔,但呢一個(感覺)係唔被尊重咯。」坤哥又指事後只能默默自行「補妝」。
坤哥遭主持和嘉賓取笑。
吳業坤提起Chantel時表現忐忑,遭取笑似足初戀。
相關影片可以按以下畫面觀看:
https://youtu.be/_HEaSezjn48
《卡拉O!BABE》返嚟喇!
由新城廣播創作總監及節目主持啤梨(葉文輝)主持的經典節目《卡拉O!BABE》正式回歸並於日前(3月8日)首播,第一日開咪已經有不少驚喜,所有電話線爆晒燈,「鬼王」潘紹聰突然殺入錄音室展歌喉,原來「鬼王」好唱得,驚喜還未完,節目尾聲時,吳業坤「坤哥」扮聽眾打電話到節目,熱鬧到不得了。
啤梨(葉文輝)主持的經典節目《卡拉O!BABE》正式回歸
第一日開咪已有不少驚喜
「鬼王」潘紹聰突然殺入錄音室展歌喉
所有電話線爆晒燈
「鬼王」潘紹聰殺入直播室唱K
啤梨(葉文輝)
聽眾們期待10年的回憶殺《卡拉O!BABE》終於正式回歸,豐富主持經驗的啤梨開咪前也興奮說:「好緊張!一早便返回錄音室做足準備,測試咗好多次收音器材!」十分認真。而好友潘紹聰知道啤梨首播,馬上全力支持,仲罕有在大氣電波顯示歌喉,即席獻唱近期熱爆的《傾城》,更鬼馬地大改歌詞,把其中一句改為「傳說中 痴心的眼淚會『新』城」,笑翻全場。潘紹聰笑言,自己的節目《恐怖熱線》比《卡拉O!BABE》遲一天開播,仍不忙為啤梨做嘉賓:「我聽日(9日)先開波,我今日畀咗你喇!」
吳業坤扮聽眾打電話到啤梨主持的首集《卡拉O!BABE》
進入節目第二部份,錄音室的電話線繼續爆晒燈,一直不斷有聽眾打電話進來想唱歌,但啤梨也沒想到收到意外驚喜。「係咪啤梨?係咪啤梨呀?我係吳業坤!」啤梨當場也呆了兩秒,反問對方:「吳業坤?你真係嗰個吳業坤?」坤哥笑言自己應該早在14年前打通這個電話,自言自己從小就很愛唱K,更即場演唱自己首本名曲《陽光點的歌》,為節目炒熱不少氣氣。可惜,一小時的節目很快便完結,不少聽眾要留在下星期再度點唱,但啤梨在節目後仍細心逐一致電給聽眾們安撫,他說最希望聽眾們每逢週五晚6時至7時,都可以打1834997,「開開心心聽吓歌、唱吓歌」。