「啪」一聲啊~
男子組合MIRROR成員邱士縉(Stanley)在劇集《大叔的愛》飾演花心男,其中一場戲講他被其狠撇的前女友蔡寶欣(Pony)踩上公司質問,Pony因不忿被飛死纏爛打,又兜巴摑Stanley,MIRROR隊友呂爵安(Edan)和盧瀚霆(Anson Lo)站在一旁「食花生」偷笑及影相。
Pony在新劇中對Stanley死纏爛打。
見復合無望,Pony出手摑花心男。
Stanley在社交網貼出被Pony掌摑後的相片,見到他面部紅腫,另一條試戲片段就見Pony好大力「啪」一聲摑Stanley,Edan與Anson Lo大笑之餘,更叫Pony盡情打,指Stanley是專業演員。
Stanley留言:「螢幕初『冚』就獻咗畀Pony!Roll就唔好意思打,試就咁大力。同埋大家聽到Edan、Anson Lo平時點對我。」
Pony試戲時已沒有留力。
Pony在社交網貼相並留言:「雖然Stanley嘅螢幕初『冚』畀咗我,但我嘅初『冚』人都畀咗你,力度嚟講呢……真係要試,所以咪要試當真,但Stanley絕對係100分好演員。」她又爆Edan和Anson Lo笑得好大聲,又叫鼓勵她要大力演好場戲,感覺得到大家好有愛。
Edan(左)和Anson Lo見Stanley被摑,開心地大笑。
MIRROR衝出香港。
MIRROR前晚(11日)抵達紐約為今日(13日)在UBS Arena舉行的巡唱作準備,騷前12子更應當地FOX及CNN電視台邀請接受訪問,共由Anson Lo、Ian陳卓賢及「大表哥」Stanely邱士縉全程用流利英語回答。
MIRROR前晚抵達紐約,大批粉絲應援偶像
MIRROR亦到CNN接受訪問
於FOX 《Good Day New York》7分鐘的訪問環節內,前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時,Anson Lo先表示感受到粉絲對他們的支持,令他們感到非常溫暖同被愛戴,意想不到地見到咁多鏡粉接機。而當主持問及有無四圍行或者食下Pizza,Ian就話只是剛下機,睡了兩小時便急不及待到FOX接受訪問。被問到想跟誰人合作?邱士縉Stanley表示:「一定係Dame D.O.L.L.A,我哋都超級興奮,因為部份成員都係NBA球星嘅擁躉,所以能夠同Dame合作,係莫大嘅榮幸。」
前半段先表演新歌《DAY 0》
Stanley表示最想同Dame D.O.L.L.A合作
Anson Lo全程流利英語回答
Ian 都係英文擔當之一
大表哥英文都幾好
有網民睇完訪問指對MIRROR另眼相看:「嘩!衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
事後,12子表示感到非常榮幸可以接受FOX《Good Day New York》訪問,而Anson Lo更表示「好奇妙」,「我哋以MIRROR呢個身份見識咗好多,特別係紐約,因為呢個地方真係好大,更加令我哋覺得自己好渺小,所以呢個係好好嘅第一步,令我哋更加有動力繼續前進。」而Edan亦說:「因為喺一個唔係自己熟悉嘅地方,然後要表演,仲要接受英文訪問,大家都好緊張呢次表演同訪談,但我覺得大家都好盡力做到最好。好開心有咁嘅機會,希望未來有更加多咁嘅機會。」