後悔無好好珍惜Cookies時光 MIRROR跳《心急人上》𠱁Stephy

MIRROR跳《心急人上》喚起Stephy以Cookies活動時的回憶。

昨晚（29日）ViuTV《調教你MIRROR》播出第17集，鄧麗欣（Stephy）繼續分享當年組女團Cookies的點滴。Cookies當年分別被發掘，令Stephy理解MIRROR成員不熟悉但又要組團的難處：「就算係新認識嘅男女朋友都冇辦法好快就完全了解對方，更何況係咁多個隊友？真係要花好多心力，有問題係正常。」梁祖堯（祖祖）更大爆Stephy拍《男排女將》時見到Ian（陳卓賢）躲在一旁，但其他人又好Hyper，令她一度以為他與其他成員不和。

Stephy指Ian有時躲在一旁，令她曾以為他與MIRROR成員不和。

之後Stephy指她一度討厭唱《心急人上》：「一講Cookies就係《心急人上》，曾經覺得好煩，而且我下年就入行廿年，但到而家訪問都仲係俾人問當年9個女仔組團係點，已經答咗廿年喇！但愈嚟愈鍾意，因為有種回憶，好後悔當時冇好好珍惜，唔識Enjoy青春，唔識享受大家共處嘅時光。」

Cookies在2002年出道。

Stephy又表示Cookies成軍僅一年，便突然要變「餅碎」，改制為4人團體：「一定係公司決定，但唔知道實則係邊4個留低，當時好難受。」MIRROR亦專誠唱跳《心急人上》送給Stephy，令她笑不攏嘴！

2003年，Cookies改組變「四餅」，留下的包括Stephy、傅穎、楊愛瑾及吳雨霏。

MIRROR趁Stephy行開錄訪問時練舞。

MIRROR跳《心急人上》。

MIRROR之後又圍住Stephy轉圈。

談到團體「單飛比較紅」的尷尬情況，Stephy不諱言當時的情況與姜濤相似。她問姜濤如何面對沒有個人工作的成員？他回答：「一開始入MIRROR，花姐（經理人黃慧君）已同我講『希望比較紅嘅成員，尤其係我去做啲嘢令大家一齊更好』，喺個客面前我都會推薦其他成員。」

觀看相關影片按連結：https://www.youtube.com/watch?v=PP8X06CrgCw

Stephy聞言表示她當時只得19歲，一方面因為自己有Job而開心，另一方面不懂得處理隊內人際關係，覺得好尷尬。姜濤自言：「我問心無愧，喺能力範圍內我都想大家好。」獲Stephy鼓勵他做得到，又指他很真誠！

姜濤作為人氣成員，自言盡力為MIRROR好，問心無愧。

祖祖問到若MIRROR要「縮水」，眾成員會如何處理？隊長Lokman（楊樂文）表示：「打畀花姐問佢點解，再集合大家能力，迫公司唔可以咁做！」姜濤贊同其做法，Edan（呂爵安）則謂會陪Lokman致電花姐。Anson Lo（盧瀚霆）指：「我哋12個一齊出Post，用Fans反應同埋輿論畀壓力公司！」

Lokman表示若MIRROR要變「鏡碎」會打給花姐理論。

Edan謂會陪Lokman致電花姐。

Anson Lo想用輿論壓力迫公司就範。

Jeremy（李駿傑）說道：「試咗Lokman個方法先，如果唔得，被淘汰嘅成員就另組一團。」Tiger（邱傲然）就搞笑指同Stephy飲酒先。最後Lokman得到Stephy選出的「最似自己大獎」，她讚對方有大佬風範：「以前嘅我可能唔會咁大佬，而家嘅我會用自己力量幫身邊人！」

Jeremy希望被淘汰的成員可另組一團。

Stephy在Lokman、Tiger及Edan之中選出「最似自己大獎」。

Lokman得獎。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。