佢哋都話好開心多咗人關注Mirror。
由Anson Lo（盧瀚霆）及Edan（呂爵安）主演的ViuTV熱爆劇《大叔的愛》進入結局篇，昨晚兩人聯同《大叔的愛》一眾演員包括Stanley（邱士縉），黃德斌、簡慕華、Asha（徐㴓喬）、陳子豐及練美娟為下周一播放的日本版《大叔的愛》造勢。提到港版《大》劇尚餘兩集播畢，口碑和收視節節上升，問到若然結局收視破雙位數，會否上演「咀爆」報捷？Edan笑指如果達3位數就什麼都肯做！另外，Anson Lo及Edan希望集氣開拍續集或電影版，並且是閨房溫馨互動加強版。
Anson Lo曾經同苦主爸爸同Lift。
Anson Lo及Edan好感激大家對劇集的支持，又大呼不捨，希望能開拍續集或電影版，還構思到新一輯可加入二人更多的溫馨互動，相對肢體上的親暱，可能觀眾更想看到二人在家中的日常，如一起睇電視和擦牙，Anson Lo 更想到要逗Edan瞓覺。
Edan希望劇集開到續集。
一眾演員出席活動。
提到網上發起「我老婆嫁左比MIRROR 導致婚姻關注組」，瞬間吸納了數十萬苦主大控訴成爲城中熱話。Edan直言也有看過帖文，大讚好得意、好搞笑、看到會心微笑。Anson Lo也稱很窩心，看似是一班老公在投訴，但其實好sweet、好恩愛，苦主們可以為自己的老婆做許多事。提到有神徒把Anson Lo的大相掛在客廳正中間，Edan補充指還有Ian的攬枕放上床；Anson Lo笑謂：「辛苦大家，因為多了樣嘢要打掃。」二人表示很高興成為一家人的討論話題，及愈來愈多人關注MIRROR，令他們未來要做得更加好。對於有指Anson Lo人氣暴增，粉絲數字直逼人氣王姜濤，他稱不會比較，亦不是用數字衡量。
再問有否在街上被指是情敵？Anson Lo說：「沒有，但試過在升隆機內遇上住在同一棟大廈的苦主的Daddy，他還說自己也是苦主群組的其中一個成員，但放心，完全唔憎我，無問題的；所以這件事其實很正面。（有沒有被嚇一嚇？）他第一句就問我是否很緊張？聽到他是群組內成員，我的確有少少驚訝，但否認緊張，他卻說『我感覺到你好緊張喎』，我回答，你再問我就真係好緊張，哈哈。」
兩人都有睇「我老婆嫁左比MIRROR 導致婚姻關注組」，覺得好好笑同埋好甜。
MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。
《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」
Anson Lo推出新歌《深閨》。
觀看相關影片按連結：https://youtu.be/70vVZqVsqeg?si=9RD6my9ItvtgApW3
Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。
Anson Lo自言是住家男人。
如果鍾意一個人會好想24小時黐住對方。
對於Anson Lo來說，《深閨》所說的愛情觀與他本人很吻合。
為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」
Anson Lo揀選巴黎拍MV，全因這裡予人浪漫、Fashion又Cozy的感覺。
與《深閨》中的愛情同樣十分浪漫，又無拘無束。
被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」
雖然要巡演又要拍MV，會好，但Anson Lo坦言：「應付唔到都要應付。」
這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」
首次踏足巴黎的Anson Lo除了拍MV以外，亦有在當地遊覽。
