娛圈事
《姊妹淘》將會播映到本月23日。
李君妍在TVB《明星運動會》參與了五個項目，全部奪得銀牌，並獲頒「最喜愛運動員獎」。她表示一向好喜歡做運動，當中以拳擊項目最有信心，可惜最終仍輸給關嘉敏。
李君妍獲頒「最喜愛運動員獎」。
李君妍一次過參加五個項目。
她對拳擊項目最有信心，可惜輸給關嘉敏。
對於播出十年近千集的長壽節目《姊妹淘》傳被首席創意官王祖藍嫌悶，下令腰斬，主持之一的李君妍直言節目被cut，並將會播映到本月23日。她說：「我哋都唔知點解會cut，嚟唔切同觀眾講再見。但我都係《姊妹淘》嘅原祖成員之一，因為第一輯已經幫手做模特兒示範化妝，覺得好可惜，少咗一個訓練講說話訓嘅機會。但少咗一個女性節目，相信公司都會開返一個新節目，如果新女性節目更加多元化都係一件好事。」
李君妍是《姊妹淘》原祖成員之一，節目被cut亦感可惜。
葉蒨文：「我嘅身形只會服務角色！」
由廖晉碩監製、林麗媚擔任編審的《再見‧枕邊人》，逢周一至五晚八點半翡翠台播映，主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。
葉蒨文昨晚性感登場！
李君妍成為「七彩小背心」繼承人！
張曦雯激罕濕身透bra演出！
上周五（15日）晚劇情講述情傾金長勝（羅天宇飾）的Kimchi（李君妍飾）突然殺出，更與Kandy（吳嘉儀飾）不打不相識！斜肩小背心兼熱褲大晒長腿的李君妍，更大晒柔軟度做出「貼牆式一字馬」動作。除了晒好身手，李君妍還繼承了劉穎鏇於《隱形戰隊》中的「七彩小背心」傳說，以不同款式背心亮相，昨晚（18日）Kimchi其中一個造型，是身穿吊帶背心配搭紅色短裙，與傾慕的長勝撐枱腳，更360度環迴轉圈展示悉心打扮的造型，結果引起餐廳男食客舉機拍照，長勝即脫下外套讓Kimchi遮著雙腿，免得被睇蝕，盡顯紳士風度！
張曦雯激罕濕身透bra演出！
仲自揭拍呢場戲有飲酒壯膽。
仲自揭拍呢場戲有飲酒壯膽。
葉蒨文自認並非瘦身不瘦胸的人 體重正常反差更高達近20磅
此外飾演富家女Evelyn的葉蒨文昨晚首度登場，更穿上超低胸造型亮相，與Alex玩相睇。雖然Evelyn的第一印象令向來沉迷女色的Alex（鄭俊弘飾）流晒口水，但由於Evelyn句句批評均擊中Alex要害，更提出要做身體檢查以防Alex「暗病」纏身，氣得Alex差點中途離場！談到甫出場便以完美體態示人，葉蒨文受訪時透露沒有刻意為演出瘦身，亦沒有戒口，更有吃宵夜：「從來唔會控制自己食量，所以體重經常喺47至55kg （103.4至121磅）徘徊，個range 都大，變化取決於嗰排工作量同埋壓力等。」葉蒨文坦承並非瘦身不瘦胸的人，亦認為演員僅應該對角色作出身體變化，而非以貪靚為大前提：「我係一個演員，並不是美容KOL，亦唔係偶像派，我嘅身形只會服務角色，如果角色需要，先會特登去增肌或者減脂；如果套劇冇特別要求我keep身形，只要體重喺合理範圍內、唔影響我塑造角色呈現出嚟嘅形象，肥與瘦對我嚟講唔係好重要。」她續指平日有做運動習慣，並認為演員定期訓練身體，對於接觸不同角色會有幫助。
之後仲有boyfriend style恤衫騷美腿，索！
李君妍成為新一代「七彩小背心」繼承人。
Kimchi（李君妍飾）著上吊帶小背心配短裙，同「Oppa」長勝（羅天宇飾）撐枱腳！
昨晚另一焦點，當然是朱善美Rachel（張曦雯飾）被楊萬森（馬德鐘飾）發現聯同聞琪（林熹瞳飾）出賣心聲製作公司、並蓄意破壞晴天（黃智雯飾）節目，為了挽回萬森同情分，Rachel不惜買醉兼淋雨玩濕身，再度使出「心機女」招數！Rachel身穿白色恤衫並透出內裡的白色bra，大玩濕身誘惑，更向萬森撒嬌賣慘！張曦雯透露拍攝該場戲份，事前確有飲酒以便進入狀態，實行「假戲真做」：「賣醉仲要夾硬出去淋雨，呢個都係朱善美嘅必殺技。拍攝時鏡頭係由頭pan到落腳，雖然只得短短兩秒，外面亦有件衫唔係最性感，但我好少演seduce（誘惑人）嘅情節，對我嚟講係有少少尷尬，所以嗰場戲有飲酒壯膽，因為善美嗰個狀況係醉醉地，我飲酒都好make sense，可以畀到個feel。」
Alex（鄭俊弘飾）同富家女Evelyn（葉蒨文飾）相睇，一見到對方即刻流晒口水！
Alex（鄭俊弘飾）同富家女Evelyn（葉蒨文飾）相睇，一見到對方即刻流晒口水！
葉蒨文以超低胸裝上陣，盡騷驕人身材！
