《大叔的愛》大結局KK讓愛 田田阿牧復合擁吻甜到爆

跪求開拍續集或電影版！

ViuTV熱爆BL劇《大叔的愛》今晚（16日）大結局，一直唔願面對自己，人哋講乜就做乜的田一雄自應承跟KK結婚後一直唔多開心，跟梓芊坦承仲好鍾意田田的阿牧鼓起勇氣發短訊畀阿田相約見面，一收短訊即奔跑出去嘅阿田見到有個阿婆唔舒服，再陪佢去醫院，自然錯過見面機會。

知道田田結婚，阿牧好傷心。

梓芊勸阿牧約田田出嚟講清楚。

阿牧喊樣令人好心痛。

田田唔開心。

田田收到阿牧短訊即刻飛出去。

田田見到阿婆唔舒服陪佢去醫院。

阿牧呆等。

田田佢係咁跑。

明顯地，阿牧已走。

結婚當日，KK察覺田田冇乜笑容，明白愛情冇得勉強即大方讓愛，叫阿田去追返阿牧，鏡頭一轉，今集Keep住奔跑的阿田跑到去大澳，兩人互望，阿田一句:「我哋結婚啦」，阿牧即刻眼濕，繼而攬實。兩人之後齊去台灣發展，失而復得，錫錫場面又點少得。

KK同田田睇婚宴場地。

KK知道田田個心唔喺佢度。

KK睇住啲相有所決定。

結婚大日子。

一對新人拖住手入會場。

田田都冇笑過。

田田成腦都係阿牧。

田田諗住阿牧點錫佢。

KK鼓勵田田追返阿牧。

田田知道自己對唔住KK。

KK好傷心。

田田去到大澳搵阿牧。

阿牧見到田田喊出嚟。

田田開口話同阿牧結婚。

點可以唔攬住。

好感動呀....我話我睇到好感動呀。

兩個復合再齊去台灣發展。

執行李期間忍唔住，甜到呢。

彩蛋好正。

眾角色都有好美滿嘅結局，除咗KK同Darren，梓芊有拖拍，男友係P1X3L嘅Phoebus，娟姐當然同平哥，而Francesca就接受Louis求婚，皆大歡喜。

兩位失意之人約埋食Lunch。

KK突然拖住Darren，呢幕睇到大叫，唔係呀嘛。

原來KK玩嘢，嚇死。

Francesca接受Louis求婚。

梓芊都有拖拍，男友係P1X3L嘅Phoebus。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。