兩代男神有機會合體?
黎明「Talk & Sing紅館演唱會」今晚舉行第七場,嘉賓是跟他合唱《忘記和記》的Juno,兩人在台上轉住圈唱歌,一向好Cool的Juno偶然同觀眾揮吓手,黎明唱咗咁多場,從網上片段所聽,佢把聲仲係咁靚。
其實嘉賓名單早已外洩,已中了昨晚場的鄭伊健,根據爆料網民所講,第八場(即周六晚)嘉賓係姜濤,第九場係張敬軒,嘩,姜B同黎明,兩代男神合唱,尖叫聲應該好恐怖,紅館頂唔頂到㗎?
娛圈事
兩代男神有機會合體?
黎明「Talk & Sing紅館演唱會」今晚舉行第七場,嘉賓是跟他合唱《忘記和記》的Juno,兩人在台上轉住圈唱歌,一向好Cool的Juno偶然同觀眾揮吓手,黎明唱咗咁多場,從網上片段所聽,佢把聲仲係咁靚。
其實嘉賓名單早已外洩,已中了昨晚場的鄭伊健,根據爆料網民所講,第八場(即周六晚)嘉賓係姜濤,第九場係張敬軒,嘩,姜B同黎明,兩代男神合唱,尖叫聲應該好恐怖,紅館頂唔頂到㗎?
MIRROR成員們各自寫了一封「給MIRROR的信」,並親自讀出心底話。
ViuTV節目《早享.後付 PayKool Card呈獻:MIRROR Time》逢星期一至五晚上10時30分播映。為慶祝成軍五週年, MIRROR將會第一次全員出走到澳洲享受屬於他們的「MIRROR Time」。節目中,成員會挑戰不同的遊戲,實行「贏咗有獎,輸咗要罰」的連串驚喜。旅程中,成員會回顧出道以來的心路歷程和互相分享心底話。
今晚(13日)播出的最後一集, 成員們各自寫了一封「給MIRROR的信」,並親自讀出心底話。Lokman和AK感謝成員一直以來的陪伴,寄語繼續加油;Jeremy眼濕濕表示:「希望將來大家回想起MIRROR時都會係開心嘅回憶,珍惜每一刻相處嘅時間」;Ian指自己相信天道酬勤:「唯一可以做嘅就係努力做好要做嘅事去報答大家。我相信用一個正確嘅方法努力嘅時候,係會得到回報。好感恩有毫不吝嗇嘅支持者同有共同目標嘅身邊人」。
而Stanley坦言:「有時會覺得我哋太順利,跳咗啲過程,好多嘢無捱過就得到咗。相信依家係出現咗一個難關。老實講由以前一面向嘅追捧,到依家多咗好多唔同嘅質疑同討厭,無論係對於個別定係團體,因為我哋係一體,所以我都唔好過。其實你哋每個有唔同嘅成就,我都係超級戥你哋開心。因為多咗唔同作品,多啲人見到我哋,MIRROR先行前到少少」他感性地指希望成員都能夠找回造星時期的心態,簡單地為做好一件事而向前衝,一起帶領團隊向前行。而姜濤分享指:「我地來自唔同嘅成長環境,價值觀同性格完全唔同。走過呢5年嘅時光,有時會諗或者呢個係上天俾我地嘅課題同考驗。希望將來會好驕傲咁對兒孫講曾經同呢班人創造過奇蹟、嗌過交,但係都一齊開心熱血過,對呢一切都無悔」。