鄧月平唔恨拍拖恨演鬼片殺人狂 自爆從小入廚童年洗豬肺洗到大

Larine廚藝了得，原來自幼有媽咪培訓。

現年23歲的鄧月平（Larine）近日夥拍藍帶廚師Andy Dark為香港開電視節目《一秒廚神》任主持，向觀眾傳授入廚秘技。曾奪節目《辣伙頭》冠軍的她廚藝了得，原來4歲在重慶生活時第一次入廚，仲燒柴生火、去雞竇偷蛋煎畀表弟食，認真犀利！Larine自幼獲媽咪培訓做賢妻，但暫時未打算當「煮飯婆」，望努力拚搏做出自己的代表作，「結婚同拍拖係緣份，我唔急，好隨緣。」

Larine唔介意另一半不懂下廚，但最緊要是食得！

Larine盼開《一秒廚神》第二季，與Andy繼續搞笑互窒。

說到正式開發鄧月平的廚藝大門，便是從鄧媽媽創業年代開始，「因為媽咪成日食飯盒，我想佢健康啲，所以小六趁暑假就煮畀佢。」至於廚藝從哪裏學來？她稱冇特別留意烹飪節目，只看黃麗梅的飲食節目，並認為是功多藝熟，加上自幼在家鄉常接觸原食材，故很易吃出餸菜加入的調味料。難道媽咪唔怕你整傷？Larine說：「好細個擔心啲，大個就鼓勵我試多啲唔同嘢，可能媽咪喺餃子、麵店打過工，令我咁鍾意煮嘢食，佢都有教到我啲嘢。」

Larine與Andy在節目中公開入廚秘技。

朋友讚廚藝一流的Larine望搵到錢後開餐廳。

多得鄧媽媽由細培訓，廚藝了得的Larine才Standby做賢妻，「媽咪係好傳統同溫柔嘅女人，佢覺得女仔要知書識禮、入得廚房出得廳堂，好彩佢拉一拉我，因為我偏直率同男仔頭。」不過，事業心重的她直言未Ready嫁人，待事業得到一定認可才考慮結婚或搵男友，而最想拍的是鬼片及校園片。

要兼顧唱歌演戲的Larine坦言有點攰，但自問好捱得。

認為食得是福的Larine絕不偏食，但身材仍很Fit。

談到兒時洗豬肺的過程，十足「劏人」情節，Larine更打趣道：「如果有導演搵我做殺人角色，我一定好擅長，哈哈！我都幾恨演，因為呢啲角色幾突破以往形象。」又謂恨與影后惠英紅合作，盼從對方身上偷師。

在重慶郊區長大的 Larine對原食材味道好敏感。

細個就入廚的Larine笑指洗豬肺過程似「劏人」，所以自己「經驗豐富」，好適合做殺人角色。

鄧月平的複式獨立屋因為暴雨而變成「水舞間」，水位更一度浸到小腿位置。

天文台由9月7日晚11時05分發出黑色暴雨警告，全港多區道路嚴重水浸，不少藝人的家亦成災區，鄧月平的複式獨立屋更驚變「水舞間」！

鄧月平IG圖片

鄧月平IG圖片

鄧月平於9月8日凌晨在IG Story貼出影片，可見她赤腳走到露台，驚見已變成「水舞間」，水更已浸至小腿位置，令她忍不住爆粗：「What the fxxk！」回到疑似客廳亦滿地是水，她只能無奈的表示：「估唔到有一日可以係屋企玩水水...」

露台水浸到小腿位置。

疑俊客廳亦滲水。

想不到，原來不止水浸，是全屋漏水，鄧月平在廚房的爐頭上鋪滿毛巾吸水，又在抽油煙機上放了一個大膠盆接水，並哭笑不得的表示：「落個雨全屋漏水，露台水浸，我經理人話水為財水為財，我真係多謝你呀，正面樂觀呀喂。」最慘的是，就算外面已停雨，鄧月平房間內的「雨」仍在滴。

全屋漏水。

外面停雨，但屋企仍未「停雨」。