囝囝剛剛K2畢業。
當日約下午4點,杜德偉與太太李曉冰(Ice)帶埋囝囝AJ,相約商台DJ雲妮及另一男友人,到又一城食Tea。Ice與雲妮邊食邊傾好投契,將頂杏色Cap帽反轉戴的Alex,就主力專心食麵和撳電話,間中先搭句嘴。未幾食飽的Ice忽然再Order嘢食,原來男友人湊埋AJ嚟會合爹哋媽咪,剛K2畢業的AJ好叻仔,唔使媽咪監督,都可以自己專心地拎住支叉捲意大利粉食,不過肥嘟嘟的他食到變污糟貓,勁得意,最終要媽咪幫手抹嘴仔。
點擊看圖輯
AJ日前跟 Alex(背向鏡頭)去食Tea,搞到成嘴白汁。
Alex與太太、雲妮率先抵達餐廳食嘢吹水。
AJ日前跟 Alex(背向鏡頭)去食Tea,搞到成嘴白汁。
AJ跟爹哋去完廁所一身輕,手揈揈彈住返餐廳。
離開時,有仔萬事足的Alex摸摸囝囝個頭。
杜氏夫婦好鍾意食Tea
食飽急去廁所,在旁跟男友人傾緊公事的Alex,立刻戴番口罩陪囝囝去wee-wee;放完水的AJ好輕鬆,大搖大擺揈住手仔、拖住爹哋行返餐廳,而Alex似乎都見怪不怪。最後逗留約一小時,一行5人終於埋單返屋企。而另一日下午3點半,杜氏夫婦再現身同一間餐廳,與一名女友人食Tea,其間3人交換手機睇相,暢談甚歡,傾足一個多小時才埋單走人;沿途行去洗手間時,兩個女人繼續雞啄唔斷,Alex就默默尾隨又搞吓頂Cap帽,去完廁所兩公婆便乘7人車離開。
杜氏夫婦另一日又約友人食同一餐廳。
Alex早前跟AJ父子裝去郊遊。
Alex兩公婆經常帶囝囝周圍去。
稍後北上工作的Alex早前趁時間,即湊仔食好嘢。
相隔30年Alex再攻蛋!
杜德偉《Get Up起來》世界巡迴演唱會去年在新加坡、上海等內地城市巡演,反應非常熱烈,各地歌迷都期待Alex到訪。這天Alex親身飛到台灣開記者會,宣布5月18日舉行巡唱台北站!Alex今次更是圓夢首度登上台北小巨蛋開騷。Alex上一次在台灣舉行大型演唱會,經已是超過30年,Alex直言跟歌迷一樣期待已久,而記招上他亦揭露開騷日期,背後蘊藏他跟去世父親的溫馨密碼。
Alex 與主辦單位合照
Alex記者會甫出場,經已非常感動,相隔30年終於能夠在台灣再開大型個唱,而其實今次的攻蛋計劃經已延期五年,並成為小巨蛋史上被疫情耽擱最久的演唱會,對於能如願踏上小巨蛋,Alex感恩的說:「我覺得人生真係好神奇 ,到咗我呢個年紀仲有第一次,這次攻蛋是一趟圓夢之旅!不只是圓了我的夢,同時也是回應了歌迷的期盼!」記者會亦播出張震嶽和吳克群的祝賀短片,阿嶽更鬼馬說到 :「Alex無論音樂及整個外表狀態都保持超好,令人敬佩!我們相差12歲!大家就知道他整個人有多『金槍不倒』了吧!」 Alex愛子AJ亦驚喜拍片祝賀Daddy, Alex讚囝囝唱歌有天份,有意開騷時來個父子合唱送給台灣樂迷,記招主持曾寶儀亦笑言見證Alex變做慈父,Alex就感性起來說一切都是學習他去世的父親,亦揭露今次開騷日子背後蘊藏的溫馨故事:「剛好5月18日是我爸爸的忌辰,我就覺得那麽巧,因為我爸爸其實他真的半個家在台灣,他有大段時間待在台灣,我覺得冥冥中有他在安排吧。」
相隔30年終於能夠在台灣再開大型個唱
相隔30年終於能夠在台灣再開大型個唱
相隔30年終於能夠在台灣再開大型個唱
相隔30年終於能夠在台灣再開大型個唱
記招主持曾寶儀亦笑言見證Alex變做慈父
記招主持曾寶儀亦笑言見證Alex變做慈父
除了爸爸之外,Alex坦言對台灣有相當多感情,自己絕大部份華語作品都在台灣製作,無論樂壇,抑或影視圈都有很多朋友,充滿著回憶,故此非常重視今次台北站演出:「我知道台灣歌迷有好多歌都想聽到,之前無唱過,好耐無唱過嘅歌都會有。同之前嘅巡唱站歌單有啲唔同。」Alex即時講出幾個打算演出的歌名,包括<把你藏起來>、 <癡癡的等>、< 獻上我的心>等經典作。Alex又補充:「希望今次開騷向歌迷彌補返我咁多年無返嚟台灣,同佢哋見面嘅時間,距離上一次台灣開騷喺1993年,仲記得當年米高積遜開騷場館,一星期後就到我,超過30年時間呀。」Alex承諾會施展渾身解數表演,更會親自把關兼任演唱會造型總監,而踏入順耳之年的他更指現時一周三次運動努力操弗 ,將在台上展現他四十年如一日的唱跳實力。
Alex承諾會施展渾身解數表演
Alex承諾會施展渾身解數表演
Alex除了歌單之外,直言有另一煩惱,事源台北小巨蛋,現時禁止歌迷於觀眾席上站立跳舞,怕歌迷到時按捺不住。「我嘅演唱會叫『Get up』 ,所以跟條例確係有啲背道而馳嘅感覺 ,到時希望大家利用上半身跳舞 ,總之你個pat pat唔好離開張櫈,只係有手部動作都ok啩。」疼粉的Alex亦叮囑粉絲睇騷要注意安全,若然到時忍不住站立跳舞而被罰款,Alex就笑言歌迷找主辦機構「找數」呀!
Alex同大家拜個年
Alex同大家拜個年
Alex同大家拜個年
Alex同大家拜個年