《大叔的愛》睇上腦偕男友人買衫騷HeHe味？

社會事

《大叔的愛》睇上腦偕男友人買衫騷HeHe味？

2021年07月27日 18:42 最後更新：18:52

有網民覺得事件中的店員處理不當，直言「得我一個覺得咁樣問唔會好冇禮貌嗎」。

ViuTV電視劇集《大叔的愛》熱播，雖然劇集已經大結局，但熱潮依然未減，苦了一班港男。有男網民在討論區大呻，指自己與另一名男友人買衫期間，兩人被店員誤認為情侶，令他哭笑不得。

港男昨日（26日）在網上討論區「Discuss」，以「同個fd去買衫比sales問我地係咪情侶」。港男指，自己本身與女朋友相約購買西裝，但女朋友臨時事忙。由於他自己急需西裝，而一名男性友人剛好約他用膳，兩人便一齊前往服裝店選購。

港男續指，他在服裝店選好款式及量度好尺寸後，店舖職員便要求港男提供聯絡資料。不過，接下來的事卻令港男目瞪口呆。

港男稱：「（店員）問完我電話之後，無啦啦望住我個fd，問：『佢係你男朋友呀？』我當堂打咗突，之後就立即否認！結果食飯嗰陣，我fd同我講話：『下次都係唔陪我去買衫。』」

港男對此大感無奈，直言：「啲人係唔係睇《大叔的愛》睇上腦？兩個男人一齊去買衫就係情侶啦？」又提到：「我返到去同我女朋友講，佢笑到卡卡聲　仲話我同我fd好襯。」

文章刊登後引起不少網民熱議，不少人都笑言這名港男「口裏面說不，身體卻很誠實」、「能成為密友大概總帶著愛」、「你同你個男仔朋友拍拖啦，飛咗你條女啦」。

不過亦有網民覺得事件中的店員處理不當，直言「得我一個覺得咁樣問唔會好冇禮貌嗎」、「香港人似乎無咩禮儀文化，公眾車廂當自己屋企，客未熟都可以用吹水tone，問嚟做咩」。

往下看更多文章

「東張何伯」懶理非議疑北上甜蜜撐枱腳網民深圳茶記直擊兩公婆除罩真面目

2024年05月10日 20:00 最後更新：20:45

「東張何伯」事件持續發酵，早前有街坊爆料指新何太不敵「流言蜚語」，狼狽避走內地，房署亦將出手調查何伯有否違反公屋「富戶政策」，正當全城關注二人最新動態之際，有網友在深圳撞正事件男女主角在茶餐廳甜蜜撐枱腳，亦讓二人的真面目曝光。

10日網上瘋傳一張疑似何伯夫婦的最新照片，據懷疑拍攝相片的網友在小紅書寫到，「何伯何太被發現在深圳茶餐廳用餐，暫避風頭。何伯對妻子愛護有加，是愛呀」

照片中清晰可見，已經除下口罩，正享用美食的何伯夫婦。只見打扮時尚的何伯拎起水杯餵一旁的太太，絕對是甜蜜爆錶，而一眾網民亦都紛紛留言：「70幾歲可以收穫40歲的愛情，阿伯也算成功人士，一般人到不了的高度！」、「大難臨頭仲撐枱腳」、「冇哂錢後、睇嚇有冇愛？放長雙眼來看下」、「有機會是真愛」

回到本港，有關東張何伯的新聞熱度絲毫未減。有網友在網上發帖指，「東張準備有續集啦~有市民前晚影到何伯和何太受東張釆訪…」，相片中可見相信是何伯夫婦二人的受訪者，正在接受電視台拍攝訪問，爆料網友更附上何伯夫婦十指緊扣的甜蜜背影，不過網民就依然保持食花生的心態，搞笑留言：「強烈建議東張做個長期主題專訪，全港市民都好關心何伯幾時人財兩失」、「愛回家又有題材可以拍」、「仲未大结局啊？」