人氣組合ERROR成員193（郭嘉駿）社交網的追蹤人數已上升到40萬人，昨日他突然在限時動態山Post，想找兩對被封為「年度鞋王」的Air Jordan 1、Travis Scott和藤原浩Fragment Design聯乘的高低筒波鞋，留言：「I NEED THESE TWO PAIRS US 12 有冇人幫到手呀？」
193想要波鞋，網上求助反遭作家指責：「運用自身影響力自肥，令人反感。」
怎料遭作者兼KOL抨擊，以「明星，唔係咁做的。」為題，出文鬧爆193搲鞋：「人紅並唔代表做乜都得，運用自身影響力自肥，令人反感。藝人搲job見得多，搲鞋第一次見。 」、「錢就你賺，鞋就『老婆』（193粉絲暱稱）買，公平咩？」認為如果有「老婆sss」最後用上超過個月人工，買兩對鞋給他，會否覺得過意不去。指193入行前是一名buyer，應該有門路買到限量版波鞋，還寄語他：「想繼續紅下去，你要知自己咩料。」
郭嘉駿
郭嘉駿（左）
不過，網民反而覺得是作家有既定立場後上綱上線，一面倒反插對方是看圖作文：「佢無叫人送喎，一個story FF咁多？」、「人地都冇叫粉絲出錢買，只係問吓有咩方法買到姐。」最後連193都現身反擊，留言：「你真係唔識㗎喎」再加個笑到喊Emoji，有超過9,500人給Like力撐。
193留言反擊：「真係唔識㗎喎」。
《同居少女諸事卜》性格不同的三個「Z世代」女生一邊尋找愛情真諦，一邊探索自我和人生的多樣性，尋找作為女性真正的需求。
電訊盈科旗下泛區域串流視像平台Viu宣布再度攜手「本地製作」，開拍Viu Original本地原創劇《同居少女諸事卜》，並於今日（5月4日）舉行開鏡記者會，監製伍健雄率領劇集主角雲浩影（Cloud）、吳家忻（Kayan9896）、蘇皓兒（Chloe）、郭嘉駿（193）和何啟華（阿Dee）出席切燒豬儀式，預祝收視長紅！
《同居少女諸事卜》舉行開鏡記者會。
右起：雲浩影、吳家忻、蘇皓兒、郭嘉駿、何啟華和鄧月平
《同居少女諸事卜》以時下流行的占卜為題材，講述三位生於1997年至2009年間的「Z世代」女生Iris（Kayan9896飾）、Tracy（蘇皓兒飾）和Sammy（雲浩影飾）於同一屋簷下的生活點滴。性格不同的三個女生一邊尋找愛情真諦，一邊探索自我和人生的多樣性，尋找作為女性真正的需求。
《同居少女諸事卜》三位主角雲浩影（右起）、吳家忻、蘇皓兒。
繼《#她和她的戀愛小動作》後，Kayan9896再度參演Viu Original原創劇，她興奮表示：「今次套劇多咗兩個室友，三個女仔圍埋占卜傾心事，成件事好似返到學生時代。」談到劇中飾演神婆，Kayan9896自言自己不算迷信，並指「戀愛係兩個人嘅事，有問題應該大家拎出嚟傾，唔使求神問卜嘅！不過現階段我就冇乜呢個煩惱。」
Kayan9896
至於「籃球女神」Chloe則坦言接拍《同居少女諸事卜》是自肥計劃：「Tracy呢個角色唔只係籃球員，仲要係前港隊成員。我本身好鍾意打波，入行之後一直希望有機會拍一啲同籃球相關嘅題材，所以今次一收到劇本已經十分期待。」
蘇皓兒
《同居少女諸事卜》圍繞三個女生和五段關係的故事。劇中Cloud周旋在「初戀情人」193和「穩交男友」阿Dee之間，堪稱全劇「艷遇擔當」！問到Cloud如何二揀一，她笑謂無福消受：「嘩，兩個都好好，點輪到我揀？不過佢哋好搞笑，所以對戲時我要一直忍笑，真係好有難度。」她亦笑言兩位男士使出渾身解數討她歡心，讓她受寵若驚，站在一旁的193和阿Dee則揚言為了女神可以隨時大打出手，逗得伊人合不攏嘴。
Cloud（中）在新劇會周旋在193和阿Dee之間。
《同居少女諸事卜》故事簡介：
窮苦籃球運動員Tracy（蘇皓兒飾）搬到表姐Iris（Kayan9896飾）的出租屋準備展開新生活，豈料Iris的前室友Sammy（雲浩影飾）卻突然反口要搬回來，兩房一廳的單位頓時不夠住！夾在中間的神婆Iris唯有以占卜擺平矛盾，順道揭開三個女生大相逕庭的愛情觀！一間屋，三位少女，五段關係，道出當下千禧世代女生的戀事。
蘇皓兒、吳家忻、雲浩影
