keep得好好。
42歲的關心妍(Jade)最近為代言的美容品牌拍電視廣告，由於服裝都要露背露腰，所以在拍攝前一星期除了節食外，也勤力去美容院做機，讓自己以最緊緻身形上鏡。問到性感打扮是否要問准老公？她說：「因為講美容及瘦身，要show少少身材，咁我都要尊重番老公嘅，所以第一個問咗佢先，佢睇過啲 衫，覺得ok 我先接。」
資料圖片
關心妍表示花了很多功夫去保持完美體態，笑言做女人想靚就不能懶，講到靚的祕訣，她認為除了keep fit外，心境亦非常重要，要注意自己情緒，「心境好重要，個人開心，keep fit 都keep得快啲，又可能我成日教學生，身邊總是圍住一班年輕人，令自己心境回到二十歲，我有時都覺得自己愈來愈年輕。」
網上圖片
網上圖片
問到老公最欣賞她哪一部份？Jade即時放閃說：「佢最鐘意我個嘴，佢話我嘴尖尖似隻貓。哈哈，又鐘意我下巴，話似蝦餃喎，所以我keep住自己個嘴好潤囉，佢成日錫我個嘴。」又說囡囡看到她的廣告照片大讚媽咪似公主，關心妍指囡囡開始貪靚，經常說長大後要穿她的高跟鞋。
睇佢幾fit。
關心妍日前在廣州完成《約》22周年演唱會，全場爆滿之餘，囡囡更自薦做嘉賓！
呢次演唱會原訂Jade出道20周年時舉行，但受疫情影響延至22周年舉行，但無阻歌迷熱情，來自內地粉絲紛紛撲飛：「呢次廣州係第一站，嚟緊仲有幾站會舉行，因為延遲咗兩年，所以都加啲新衫、新歌單比佢哋補數！今次香港Fans都組團二百人嚟支持，我叫佢哋乘機去吓啲大熱超市潮聖，其中一個Fans更加喺日本趕翻嚟睇騷。」
關心妍（Jade）日前在廣州舉行《約》22周年演唱會。
囡囡心心自薦做嘉賓！
因為關心妍久未舉行巡唱，現場一票難求，有哈爾濱樂迷南下捧場，到步後才發現全場爆滿：「我都唔知點算好，真係一張飛都冇晒，冇理由我地自己買黃牛㗎嘛！但見佢咁遠嚟到都要諗吓方法，最終我比咗囡囡張飛佢，我同心心講佢係嘉賓，要喺後台準備，唔洗門票嘅！啲Fans見到佢都好開心，話佢高咗好多，唔知下次開騷佢仲肯唔肯上台唱。」
全場爆滿！
Jade以新歌衫登場。
母女再度舞台合體成焦點，Jade亦帶新歌衫登場：「因為我剛剛簽咗新唱片公司(中國SONY)，希望比大家有新嘅感覺，加上心心都入咗小學，開始有翻啲時間做嘢，所以都趁佢返學日子錄新歌，不過我同公司講好咗，要跟學校校曆表去安排工作。」
Jade透露簽約新唱片公司(中國SONY)，希望給歌迷有新的感覺。
