陪楊天宇行超市買零食 胡子彤等到拉朋友走先

子彤跟Chace日前陪楊天宇買零食。

新一代影壇小鮮肉胡子彤和楊天宇，除了活躍電影及時尚圈外，兩位男神同樣喜歡陽光與海灘，所以特別投契，不單止間中相約出海，日前《頭條日報》記者仲撞到他們一同到銅鑼灣行超市，其間楊天宇似乎有選擇困難症，揀咗半小時先買得幾包零食，悶到子彤都拉埋同行友人提早閃返屋企。

子彤跟Chace日前陪楊天宇買零食。

子彤悶到行埋一邊玩推車仔。

當日晚上8時許，一身Casual look的胡子彤與友人、2019全球先生香港代表鄭璟樂（Chace），陪同楊天宇及其友人到時代廣場citysuper掃貨。人稱「震波師弟」的楊天宇穿上白色背心，大晒小麥色壯臂和脹卜卜胸肌，在超市內漫遊揀零食，未知是否打算買返去送酒呢？他似乎對日本佐酒小食較感興趣，如芝士鱈魚、肉乾、魚乾等，可能見楊天宇心大心細唔知買邊款，子彤就拎起一包天婦羅紫菜，並化身Sales落力推薦對方，可惜楊天宇研究咗一陣都係放番原位，無癮的子彤隨即行埋一邊玩推車仔。

悶到遊魂的Chace拉低口罩𢱑嘴。

選擇困難症的楊天宇最終決定買雪糕。

閃先穩陣

等極楊天宇都未揀到買乜，悶到瞌眼瞓的Chace又繞埋雙手在店內遊蕩，子彤則尾隨專心聽Message。陪逛約20分鐘，子彤決定跟Chace先行離去，留低慢吞吞的楊天宇與友人繼續逛，最後揀咗幾包零食，再買埋一盒92蚊的家庭裝雪糕，便雙雙畀錢返屋企。

楊天宇逛足半個鐘才買了幾包零食及雪糕。

子彤與楊天宇曾相約去沙灘玩。

等極楊天宇都未揀到買乜，子彤決定跟Chace先行離去。

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。