狂loop奪金訪問片 馮皓揚飾演少年蘇樺偉令觀眾印象深刻

做足功課！

由吳君如監製及主演，尹志文執導的電影《媽媽的神奇小子》將於周四（12 日）上映，電影根據殘奧徑賽金牌得主蘇樺偉的真人真事改編，飾演少年版蘇樺偉的馮皓揚，雖然年紀輕輕又零演出經驗，但他演繹起來，無論說話方式或肢體動作，以及演繹內心感情戲，令人印象難忘。

胡子彤戲中有一幕要頭上套住膠袋跑步，他形容玩命一樣。

馮皓揚坦言很擔心自己的演技，不清楚自己演繹方式究竟好定不好，所以會感到迷惘，但不會在片場特別跟其他人溝通，因為想做好個角色。為了演繹蘇樺偉的肢體動作，馮皓揚直言返學或補習之前也會對鏡練習，還會重看蘇樺偉奪得金牌後的訪問作為參考，他說：「我盡量搵番佢細個啲訪問，因為始終我同少年版有段差距，導演都想我哋之間有啲變化，所以我得閒會拍自己個樣啲細微位點樣調節。」

馮皓揚返學或補習之前也會對鏡練習，還會重看蘇樺偉奪得金牌後的訪問作為參考。

戲中有「火車東」外號的胡子彤，傳聞可以「跑得快過火車」，同樣身有殘疾的他是田徑隊成員之一，有一幕要頭上套住膠袋跑步，他形容玩命一樣：「套住個膠袋其實完全睇唔到嘢，拍咗一次後，同導演講可唔可以篤個窿仔喺膠袋畀我望一望，其實起步跑咪睇到，但跑跑吓就走晒位，真係跑到唞唔到氣。不過都同導演講會盡力跑，真係斷氣先摵走個膠袋，最後我都跑了100米。」

飾演張繼聰妹妹的鍾雪瑩試過為增肥食到病！

而飾演張繼聰妹妹的鍾雪瑩，為了演繹今次肥妹角色，用了三個星期時間瘋狂吃，由原本50公斤增加到64公斤：「開始時我在另一劇組開工，每日飲7杯奶昔，臨睡前仲會食兩枝甜筒，足足持續咗個幾星期後，身體有啲頂唔順發燒，之後採取另一方法，就係每日食好大包的馬仔。」

三人有份演出的電影《媽媽的神奇小子》將於周四（12 日）上映。

馮皓揚演繹少年時期的蘇樺偉，一度擔心自己的演技。

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。