拍《七公主》喊戲數度崩潰 高海寧：我同個角色有共鳴

網民表示睇到好心酸。

上周，林夏薇在新劇《七公主》憑藉真摯演技率先跑出備受關注，昨晚（16日）播出的一集輪到高海寧（高Ling）「出招」！在《七公主》中卸下靚女包袱、飾演男仔頭司機顧青桐的高Ling，雖然性格火爆卻重情重義。

觀看相關影片按連結：https://youtu.be/Mcg_wZsvdk4

昨晚劇情講到青桐因前男友再度捲入官非，陷坐監危機，大狀家姐顧靈珊（黃翠如飾）見狀遂出手助其脫險。由於表面證供對青桐不利，靈珊無計可施下當眾揭露青桐不為人知的慘痛過去博取勝算，原來青桐因未成年誤入歧途兼懷孕，在女童院誕下女兒後被逼母女分離；對於傷心往事被提起，性格硬朗的青桐亦忍不住在庭上崩潰痛哭。

無綫截圖

無綫截圖

無綫截圖

無綫截圖

短短數分鐘戲份，高Ling先後演繹了不忿、感慨、逃避、委屈、沉痛、倔強等多種複雜情緒，眼淚更是非常自然的落下，看得網民大呼心痛：「Feel到佢嗰種Sad」、「佢做戲愈嚟愈好」、「明顯嘅進步」、「想睇佢做多啲唔同嘅戲」，更有網民肉緊擔心謂：「唔知搵唔搵得番個女」。

無綫截圖

無綫截圖

無綫截圖

無綫截圖

無綫截圖

高海寧一集裏面有多種不同情緒起伏，絕對係演技大考驗。

該留言一出，即引來大批「熱心之士」，紛紛尋找青桐女兒「蹤影」：「我估係救隻狗要翠如幫嗰個細路女」、「但生B已經16-7年前，個細路女又太細喎。」更有網民維基細路女資料查探可能性，十分搞笑。另有網民力撐靈珊強硬做法，並直指傷心總好過坐監，足證觀眾看得肉緊。

肉緊嘅網友，懷疑呢位小朋友係青桐個女。

但有人話計番個年紀，呢位小朋友又唔符合「資格」喎。

靈珊雖然好狠，但係網民話佢狠得有道理，話呢位大家姐，都其實係外剛內柔。

對於喊戲惹來高度討論，高Ling謙稱全靠監製陳維冠（Joe）信任及事前悉心指導：「阿Joe有同我哋圍讀，有執我哋語氣同動作，所以演時好有信心。」高Ling笑指顧青桐開啟了潛藏其體內的麻甩基因，並坦言昨晚播出的喊戲是劇中數一數二難演場口：「既有仇恨又要扮堅強，內心又有種粉碎晒嘅痛。其實做嗰陣係幾度崩潰嘅，因為呢個角色唔會喺人前喊，但又始終都係人會崩潰。呢場戲係一take過，我做嘅時候都好心痛，戥個角色心痛。」高Ling又謂與青桐這個角色很有共鳴：「大家都係表面上嘻嘻哈哈，但其實內心承受緊好多嘢。」

短髮嘅高海寧，獲取網民唔少正評。

高海寧嘅角色重情重義，反而有時會癡心錯付。

Joe曾透露高Ling拍畢該場口後還一直哭個不停，對此高Ling坦言全因拍攝時不能盡情將痛苦情緒釋放：「因為一路要忍住唔可以喊到盡，所以一路hold住咗個情緒，所以反而cut咗機之後爆喊。」高Ling續指自己性格雖然感性，但絕不易哭，故此拍攝當日事前也有盡量獨處幫助投入情緒。對於林夏薇及高海寧先後跑出，Joe笑言好戲在後頭：「每位公主都有自己嘅獨特之處同令人難忘嘅場口，所以大家鍾意嘅話要繼續追落去，一定會有更多驚喜。」

顧青桐性格倔強，但絕對係外剛內柔類型。

高Ling要好好休息，早日康復啊！

37歲高海寧（高Ling）去年憑TVB劇集《新聞女王》事業創高峯，近來在香港及內地的工作都不斷，綜藝、拍劇、宣傳、廣告及其他活動，忙過不停，更令身體響起警號，高Ling月初在IG透露頸上疑有硬塊，急忙詢問網民應該睇咩科，直到今日（4月19日）高Ling貼出在病床上的照片，未知是否入院處理頸上硬塊，令網民相當擔心！

高Ling去年憑TVB劇集《新聞女王》事業創高峯。

高Ling近來工作接到手軟！

曾分享多張在工作空檔不小心睡著被拍的照片。

早前發現頸背驚現怪異腫塊。

高Ling分別在IG Story及小紅書貼出一張躺在病床的照片，可見素顏、戴著眼鏡的她雖然一臉倦容，但仍盡力對鏡頭露出微笑，並留言道：「『身體健康』才是努力的底氣，大家不要學我哦～一定要好好照顧自己的身體！別讓愛你的人擔心了！有好的身體，才能走更遠的路，完成更高的夢想，我們一起健健康康！」又在照片上寫：「抽完針啦，醫生好溫柔～姑娘都係。越來越明白『身體健康』唔係一句口號，大家要好好照顧自己呀」！

高Ling突然貼出入院的照片。

不少網民看過照片後都大為擔心，紛紛留言：「姐姐怎麼了」、「最近累到了，注意身體，高ling」、「最近是不是太累了？各種活動，照顧好自己吖」、「是不是工作壓力太大了？抱抱姐姐」、「注意身體啊，身體是革命的本錢，希望姐姐越來越好」、「高ling 好好休息，慢慢恢復元氣！加油加油，愛你！以後不能讓自己太累了哦」、「姐姐要注意休息呀！！！！身體很重要」、「海寧姐怎麼生病了！照顧好自己呀」、「照顧好自己呀海寧！」