簡淑兒沒打算同圈中人拍拖 卻因麥大力改變想法

Jessica和麥大力因合作節目《SUPER FIVE》而撻着。

簡淑兒（Jessica）在劇集《智能愛人》演繹智能人，不過一度為配合角色的髮型而不快，但幸好出來效果靚，而她為角色更嘗試跟「Siri」傾偈，嚇親閨密陳婉衡。至於早前被爆撻着《衝上雲霄大選》冠軍麥大力，Jessica大爆本來沒打算跟同行拍拖，但麥大力為追得美人歸，竟搞笑否認自己是圈中人。

Jessica本來抗拒跟圈中人拍拖，但麥大力令她改變了。

扮舊版智能人時，Jessica要戴上假髮兼剃掉「的水」。

在《智能愛人》Jessica飾演新舊版智能人，有不少職業及造型，除要着緊身衫，髮型亦多變化，不過一度搞到她不開心，「假髮個位太上，變咗露出嘅『的水』要剃，第一次做完造型我唔係好開心，尾段有用番我真髮，但係要染粉紅色，keep住機械感又剪到一忽忽，唯有平時紥起個頭或者戴帽，同埋keep住要補色，而我戲份唔多，開一個星期又隔一兩個星期，啲頭髮生番出嚟要不斷漂個髮根。嗰段期間拍嘅其他嘢都要戴假髮，造型就會冇咁靚，我本身頭髮長戴假髮個頭會變好大，好彩呢套劇出嚟效果都好靚。」

Jessica為扮演智能人「麥姑娘」染了一頭粉紅色頭髮。

Jessica和麥大力因合作節目《SUPER FIVE》而撻着。

同「Siri」傾偈嚇親閨密

Jessica為角色返屋企會同「Siri」傾偈，搞到嚇親閨密，「我唔想做到太機械人，『Siri』係個好好對象，佢幾人類化，我同Alycia（陳婉衡）講，我話『Siri』都識得幾多嘢，佢仲好擔心我做咩事，係咪疫情之下悶到要同『Siri』傾偈。『Siri』講嘢啲節奏，會喺啲怪嘅位停頓，模仿佢幫到手，嗰啲尾音冇乜感情同語氣，我仲會問佢啲美劇嘅無聊嘢，佢真係答到，仲識得講笑㗎！」

未公開戀情，Jessica仲夠膽在社交平台放麥大力相。

Jessica 早前32歲生日，麥大力帶她去學揸飛機慶祝。

提到早前被爆因合作節目《SUPER FIVE》而跟麥大力撻着，Jessica坦言向來感情生活低調，沒想過拍拖兩個月已被發現，但感激男友好明白事理，知道她愛低調不會主動提起對方，她更自爆最初沒想過跟圈中人發展，但男友一招打動她，「我都有同佢講傾向唔同圈中人拍拖，佢嘅理由就係佢唔算係呢行，佢覺得自己唔完全係呢一行，只係一半一半啦！可能喺佢心目中仲係一個機師，佢真係鍾意揸飛機，對呢行好有熱誠，可能大家都係外國長大，諗嘅嘢都會相近啲。」

Jessica跟麥大力只拍了拖兩個月，沒想到已被踢爆。

藝人隊的簡淑兒，何雁詩，莊韻澄於首集率先出賽，挑戰實體虛擬賽車，更聯同其他嘉賓岑珈其等正式落場試駕，體驗做真正賽車手。

HOY TV《我要做車手》真人show已於10月15日（星期日）首播，由香港女車手楊嘉怡Denise和吳雲甫Owen擔任節目主持。10月15日起，逢星期日晚 10:00 於HOY TV 77台和觀眾一起體驗速度與快感！藝人隊的簡淑兒，何雁詩，莊韻澄於首集率先出賽，挑戰實體虛擬賽車。10月19日她們更聯同其他嘉賓岑珈其、李月兒(Luna)、梁凱晴(Nina)、敖嘉年、唐浩嘉(Kiko)及陳欣茵正式落場試駕MG X Power RS4真車，大展賽車技術，體驗做真正賽車手。

挑戰實體虛擬賽車

由World RX (HK) Management Limited主辦的FIA（FIA World Rallycross Championship）世界場地越野車錦標賽中國香港站將於11月11至12日一連兩天在中環海濱活動空間舉行賽季年終賽。早前在海選中已挑選了一批參賽者，他們經過比賽後，將會在10月20日選出最後5位勝出者進入11月的年終賽。

楊嘉怡Denise與吳雲甫Owen

HOY TV全程跟進賽車選秀戰並進行拍攝，並邀請9位藝人一齊帶領觀眾直擊這個國際級盛事！由上月週末開始，藝人嘉賓們已分別密鑼緊鼓為「RX明星賽」做好準備，參與以模擬器賽車訓練，接受模擬挑戰「圈速賽」。

MG X Power RS4真車

是日，攝製隊及一眾藝人嘉賓來到元朗大棠賽車場，現場拍攝真實賽車情景。雖然陳欣茵沒有車牌，未能落場試駕賽車；但她今日作為副駕，笑言原來真實賽車好刺激，坐完「好似死過翻生」！同場亦有專業賽車手為大家示範賽車，一眾嘉賓亦乘機可以偷師學習。