好型!
MIRROR隊長楊樂文(Lokman)與副隊長江𤒹生(AK、Anson Kong)今日推出合唱歌《虎道門》,同日晚上於YouTube上載MV。歌曲取名為《虎道門》意指舞台兩側入口,MIRROR正副隊長從台下兩端,穿過虎道門,走向舞台中央。
點擊看圖輯
MV開場AK和Lokman都是從不同位置出場,AK就Chok爆坐在貨車頂,Lokman似乎Feel到有殺氣才從建築物的二樓走出來,二人相隔一段距離對視,只看眼神都感覺到那團火。MV有大量Rap都是由AK和Lokman填詞,「就係鍾意盡興 引人入勝」、「樂極忘型 企唔定 無時停」、「想暢快 台板幫我盡情踩」、「但願別要見怪 闖闖闖 一起闖個痛快」,以上Rap詞完全道出AK和Lokman熱愛舞台,冇得做自己慘過死嘅感受。
MV不論是旋律和畫面設計都勁有東洋味,而AK和Lokman的互動亦頗有日本暴走族的熱血Feel。值得一提的是,MV細節都非常有心思,細到只佔了畫面一小部份的貨車車牌都換上日本車牌,認真的團隊值得讚賞!其中兩人連場勁舞外,Lokman更不乏赤膊騷肌鏡頭,Fans都大讚二人跳舞好有型,正副隊長組合無懈可擊,生粉(AK歌迷稱呼)唯一不滿的是AK冇露肌肉!
AK一出場就坐喺車頂。
離遠對望都feel到Lokman對眼有火呀!
MV開場AK和Lokman都是從不同位置出場,AK就Chok爆坐在貨車頂,Lokman似乎Feel到有殺氣才從建築物的二樓走出來,二人相隔一段距離對視,只看眼神都感覺到那團火。MV有大量Rap都是由AK和Lokman填詞,「就係鍾意盡興 引人入勝」、「樂極忘型 企唔定 無時停」、「想暢快 台板幫我盡情踩」、「但願別要見怪 闖闖闖 一起闖個痛快」,以上Rap詞完全道出AK和Lokman熱愛舞台,冇得做自己慘過死嘅感受。
騷肌嘅Lokman好有型呀!
MV不論是旋律和畫面設計都勁有東洋味,而AK和Lokman的互動亦頗有日本暴走族的熱血Feel。值得一提的是,MV細節都非常有心思,細到只佔了畫面一小部份的貨車車牌都換上日本車牌,認真的團隊值得讚賞!其中兩人連場勁舞外,Lokman更不乏赤膊騷肌鏡頭,Fans都大讚二人跳舞好有型,正副隊長組合無懈可擊,生粉(AK歌迷稱呼)唯一不滿的是AK冇露肌肉!
有Lokman點可以唔跳舞。
AK話你知咩叫Man!
製作團隊好認真,連車牌都係用日本車牌。
MV好有東洋feel。
兩個跳番part舞。
好兄弟!
片尾都有日文。
MIRROR正副隊長出合唱歌《虎道門》。
相關影片可以按以下畫面觀看:
影片連結:https://youtu.be/q_JZCUwdDZM
Lokman終於擁有自己第一個MV,重情義的他特別邀請了很多朋友參與演出。
楊樂文Lokman首次推出單曲《如果電話亭》,既然是處女作,Lokman也份外重視這次機會,除了邀來《手捲煙》導演陳健朗執導MV,「無悔三兄弟」王智德Alton及何啟華Dee與一班跳舞好友,都有客串演出,陣容鼎盛。
MIRROR現正在英國舉辦巡迴演唱會,隊長楊樂文(Lokman)日前推出的單曲《如果電話亭》則有MV上架。
Lokman的《如果電話亭》,以多啦A夢的法寶來提醒自己與樂迷,做人有時可以不用太認真,可以閒來胡思亂想一番,不用太有條理,讓自己放鬆一下。因應這個主題,Lokman找來陳健朗導演執導MV,二人傾談構思之下,想出了以Long Take拍攝的一個故事:如果Lokman是一個長頭髮穿西裝的人,如果聽到一通電話,叫他可以做自己,他或者就會脫去身上的服飾做回自己,MV場景也因此進入了幻想世界。
Lokman特別邀邀《手捲煙》導演陳健朗執導MV。
陳健朗這次答應執導,全因他一直都很欣賞Lokman,他說:「由《狂舞派》時已經好喜歡Lokman,一直都想合作,但我一年只拍一個MV,而今年嘅Quota就俾咗佢。」而導演也特別用心, Long Take拍攝就是由他提出,結果由籌備到製作,用上很長時間,陳健朗解釋道:「因為傾完Concept到執行都有一段時間,當中有一啲處理方法想試,但唔肯定係咪執行到,所以要時間消化同處理。」其實陳健朗導演本來想以一Take過拍攝整個MV,但最終分拆成三部份,但每一部份仍是很長的一Take,當中有很多調度及位置要夾得很準,所以拍攝過程中,有時走位錯,有時舞步錯,有時鏡頭Timing不夠準繩,都令大家NG,要重新再來過。
與Alton、Dee三兄弟首度同框演出。
「無悔三兄弟」入行後首次同框演出。
終於擁有自己第一個MV,重情義的Lokman特別邀請了很多朋友參與演出,當中包括「無悔三兄弟」王智德Alton及何啟華Dee,另外還有跳舞圈的好友,他說:「因為MV最初構思嘅故事,係想同呢班朋友一齊去歷險,但後來同導演傾完,就出現而家呢個,流動多啲,交流多啲嘅故事。」今次是Lokman、Alton及Dee首度同框演出,Lokman表示:「作為我第一個MV,可以將我兩個最重要嘅兄弟都加入埋,佢哋又好快答應,實在非常高興。」
Lokman表示:「作為我第一個MV,可以將我兩個最重要嘅兄弟都加入埋,佢哋又好快答應,實在非常高興。」
三人同框,相信粉絲們極期待他們一同跳舞,比試舞技,不過今次只有簡單的身體擺動,Dee笑言:「我同Alton唔強Lokman所難,佢跳到咁樣喎,去到我哋嗰Part,仲唔要再勁啲?好辛苦㗎!」不過Lokman解釋道:「其實都算係一個鋪排,如果一嘢就耍晒如來神掌、降龍十八掌出嚟,咁之後大家睇咩呢?所以留多啲招數,往後先用。」至於Alton,他覺得即使沒有跳舞,仍可讓大家有所期待,他說:「以往我哋三個一出嚟,大家就覺得我哋係會跳舞,但唔跳舞都可以有唔同火花,好似今次MV長鏡頭拍攝,都做到好多火花出嚟,雖然觀眾最終只睇到其中一次火花。」Lokman聽罷,即提議道:「可能問Crew拎返晒啲Playback,重覆剪同一幕,可能呢個就係另一條BTS,可以俾大家慢慢欣賞!」
Lokman在末段又要吊威吔,在空中打筋斗。
吊到幾層樓咁高。
今次《如果電話亭》 MV以Long Take拍攝,Lokman在末段又要吊威吔,在空中打筋斗,但講到最困難的部份,卻令人意想不到,他說:「我自己都估唔到,係上咗去透明舞台同兩位兄弟一齊跳舞,然後瞓喺度,航拍機喺我上面經過。呢個Moment係最辛苦,因為已經跳到濕晒、好攰,同好多汗,但航拍機嗰四把強烈風扇係咁吹住我哋,實在好攰又好凍,仲要唔知佢幾時走,實在好辛苦,吊威吔都冇咁辛苦。」
Lokman表示另一幕被航拍機四把強烈風扇吹住跳舞,比吊威吔更辛苦。