Kakaball認真跳女團舞 張繼聰自認Fans封囡囡做偶像

Kakaball要唔要考慮出道？！

張繼聰一向是女兒控，繼上月一家四到主題樂園Staycation，囡囡張靖（Kakaball）穿上粉藍紅色公主裙及戴上后冠以公主Look拍照，阿聰冧爆留言：「投晒降」後，昨晚（28日）他上載4歲的Kakaball跳女團舞片段，簡直封囡囡做偶像，留言：「我諗……我喺fans 吖」！

阿聰與囡囡。

Kakaball做公主又得，做女團偶像都得。

Kakaball獲父母珍傳充滿音樂細胞，穿上短袖衣褲扭動腰，模仿著跪地板、M字腿等女團舞姿，網民大讚「好快就叻過媽咪」、「咁sexy得唔得㗎？」、「嘩！傳說中嘅M字腿，不得了！」、「好有潛質」等。

Kakaball跳出女團舞精髓，老竇張繼聰自覺似Fans。

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！