都唔易贏架。
李思捷主持及監製的《思家大戰》第二集嘉賓請來《智能愛人》劇中演員李佳芯(Ali)、馮盈盈、泰臣、簡淑兒、Joe Junior組成的「智能」隊,與陸永、麥美恩、江欣燕、盧宛茵、戴耀明組成的「愛人」隊爭奪五萬元獎金獎品!之前網民看畢第一集後,即留言指節目最期待畫面是農夫的陸永及C君現身,想不到第二集即半個願望成真!不過由於麥美恩、馮盈盈及江欣燕這三位女子組代表相當搶Focus,夠晒Open兼答案驚為天人,加上表情多又搞笑,令陸永相對失色;為了挽回焦點及爭取勝利,陸永不但竭力擠出金句,又與隊員麥美恩及江欣燕等夾計出「陰招」對付「智能」隊,欣欣受訪時笑言:「我哋係諗住中間有一題我哋唔玩讓畀佢哋玩,(因為)舐嘢機會好高架!」
第二集首條問題看似相當簡單,是「講出一套周星馳嘅電影」,正當以為是送分題,民調答案卻極度出人意表!第一個獲得回答權的李佳芯,原本信心十足地喊出心水答案,豈料答唔中,令現場所有人大跌眼鏡!之後陸永隊隊員於回答相關題目時亦先後「觸礁」。節目中其他貼地生活題亦同樣令一眾嘉賓搲爆頭,盈盈更數度露出尷尬表情。盈盈事後開心Share玩《思家大戰》秘技:「唔需要諗太多!諗太多會聰明反被聰明誤。」而Ali則認為:「最緊要夠真!直接!大膽!」