同女神梁詠琪拍MV興奮又緊張 張文傑呻難抽離角色

German笑言掛住Gigi幾日，個心好囉囉攣。

動作演員張文傑（German）近日為姜濤及肥仔（梁業）合唱新歌《特務肥姜2.0》的MV演出，因騷肌同兩人對打而引起關注，人氣急升！

German為姜濤及肥仔合唱新歌的《特務肥姜2.0》MV演出。

German於《特務肥姜2.0》MV中騷肌，引起關注！

早前，German又獲其「女神」梁詠琪（Gigi）邀請，為新歌《流金歲月》拍MV，他興奮表示緊張咗幾日：「拍攝當日坐車到現場時，仲好緊張，我好耐冇試過咁緊張！我好喜歡睇《初戀無限Touch》，希望有一日做佢嘅沈志康（陳曉東戲中角色名稱），仲好記得佢唱《幾分鐘的約會》。」

German稱好喜歡睇《初戀無限Touch》，望有一日做Gigi的「沈志康」。

提到起初以為有動作打鬥場面，未料導演Maggie指是演繹前夫一角，回顧婚後甜蜜幸福的畫面，German直言心情極為複雜：「好興奮又好膽心，除咗動作戲份，我一直都想挑戰唔同嘅角色，但膽心自己演得唔好，因為我從未試過演繹咁溫馨嘅角色。」

MV中，German演繹Gigi的前夫，二人不乏親密戲份。

拍攝當日，German見到Gigi時即投入角色，「已經唔可以尷尬，要忘記緊張，只係全程投入，已經當咗Gigi係我最愛嘅人，望住佢，幻想同佢一齊時候嘅美好，一路感覺到好甜美。」

全程投入角色的German表示拍攝時感覺甜蜜，但之後好難抽離角色，幾日都好掛住Gigi。

German又感謝獲導演大膽起用，笑稱有點懷疑對方是否「認錯人」，「今次演繹呢個角色，畀人睇到我嘅另一面，畀人知道German唔係淨係識得打打殺殺。不過好難抽離角色，因為我掛住Gigi幾日，個心好囉囉攣。」

未試過演繹溫馨角色的German，稱今次可讓人看到他的另一面。

German早前獲「女神」Gigi邀拍新歌《流金歲月》MV。

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。