「玻璃骨女孩」斌琳遭遇多迴響 Ian：成件事對我意義好重大

生命影響生命！

ViuTV昨晚（9日）播出的 《幫緊你應援團》的第四集「玻璃骨女孩的友情萬歲」中，Lokman與阿妹收到Cami的委託，為患有先天性成骨不全症（俗稱玻璃骨）的好友斌琳達成見偶像Ian的願望，最後在製作組同事的安排下，斌琳成功與偶像Ian見面，Ian亦送上親手寫的心意咭，斌琳回家看到偶像的留言後，被感動到流淚。不過，還有另一個令大家感動的地方，就是斌琳與好友Cami比親人還要親的關係，Cami對好友那份無私的關懷與照顧，觸動了不少人的心靈，播出後在網上惹來不少迴響。

Lokman亦有到斌琳家做探訪。

在節目播出後，在ViuTV的官方網上頻道，播出了一段Ian的短片，當中Ian提到與斌琳見面前夕，他的心情複雜又緊張：「事前諗咗好多開場白，點知行到去佢身邊變得好自然，當刻大家內心好滾動，冇乜思考太多嘢，係好自然咁傾吓偈。好似Cami咁講，斌琳都係一個普通嘅朋友，唔希望大家對佢有一啲特別嘅照顧，當佢係一個普通朋友咁一齊相處同傾偈，所以自己寫咗張咭俾斌琳，寫嗰陣都已經諗好多嘢，有好多說話想同佢講，希望可以俾到啲鼓勵佢，見到佢開心，我都好開心，對我嚟講成件事意義好重大。」

Ian與斌琳見面。

Ian未有提及太多心意咭的內容，他只說：「當中我有提到，之前有八卦關於佢嘅性格，大家都話佢係一個好開心嘅人，好樂觀，成日都笑，見到佢哋兩個中間嘅友誼，我哋喺側邊睇到都會起雞皮，毛管戙，可以喺人生搵到一個咁重要嘅朋友，係戥佢哋好開心。我本身唔鍾意笑，但係今日見到佢嘅笑容，我好自然咁笑出嚟，原來呢種由心而發嘅笑容，係會感染到人哋跟住笑。」他續說：「我覺得自己嘅努力冇白費，可以帶俾佢咁重要回憶，一直努力做嘢係值得，有一個正面影響力。斌琳都有同講之前睇到我嘅演唱會，所以嚟緊開騷，都留咗兩張飛請佢去睇。」

見到偶像出現自己面前，斌琳當然驚訝又感動。

好友Cami多次感動落淚。

斌琳在2019年曾經接受過港台節目《明月幾時有》的訪問，當中她提到爸爸在11年前因肝癌過身，當時她曾經有問過上天，為甚麼要帶走她唯一的親人？到了今天見到斌琳仍然很樂觀面對，有網民留言讚她堅強：「斌琳真係好叻，好堅強，好得人鍾意。感謝斌琳嘅正能量。」

Ian坦言被斌琳感染，笑容多了！

睇到偶像寫的心意咭，斌琳感動落淚。

而ViuTV的總經理魯庭暉今日（10日）亦在IG轉載lan和斌琳的大合照，分享了公司內部日常開會談話內容，而總結是：「咁嘅，或者我地有啲嘢好睇，有啲嘢好難睇。有時做得ok. 有時做得好差。不過，呢班人，個底，應該好心地。」

阿妹感謝大家的支持。

網民留言。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。