張致恆否認要求對手遷就 大J晒與鍾培生對話做證據

遍地花生～

由鍾培生做搞手的拳賽將於本月18日舉行，本身他和林作的「林鍾一戰」已經夠晒綽頭，另外他還找來不少職業及拳手。不過有份參賽的張致恆(Steven)和YouTuber Jason（大J），綽頭僅次於鍾培生和林作，同樣未開賽就有花生食！

原來除咗鍾培生（左一）同林作（左二）仲有其他花生食！

大J將於本月18日同Steven打拳賽。

張致恆（Steven）日前被大J踢爆疑似拳賽前減磅失敗，透過主辦方向大J詢問，可否調高合約上本來70kg的對賽體重要求，大J拍片表示：「絕對唔會妥協！」不過，日前大J又於facebook透露，主辦方通知希望拳賽由原本每回合打3分鐘，改成每回合2分鐘。原因是Steven怕體力應付不了每回合打3分鐘。本來大J都想堅持不讓步，可是Steven表示如果堅持每回合打3分鐘，會選擇退賽。大J接受改動，但提出增加罰款或公開拍片道歉及解釋改動原因，大J分享結果表示：「對面係選擇增加罰款！」但他也有是否能收到Steven罰款的顧慮。

大J呢5個半月都操得好勤力!

早幾日佢出片分享Steven疑似減唔到磅要求改體重限制！

而昨日（11日）Steven於IG上載練拳的照片，又留言：「要兼顧工作及照顧家人，訓練確實係唔足夠，減20kg係好辛苦，好疲累，堅持住！一直都係依照拳賽指標減磅，冇要求任何人遷就甚麼，做好本份就好！好多謝老婆、教練、團隊嘅支持同埋包容，18號見！」

Steven話要兼顧工作及照顧家人，訓練確實係唔足夠。

大J同日反駁Steven所說的「冇要求任何人遷就甚麼」，又上載聲稱是鍾培生與他的對話，指出的確是Steven提出更改對賽要求，並稱：「一係你講大話，一係鍾培生講大話，邊樣？個個都係兼顧住工作同家人嚟操㗎啦～」不少網民都嘲笑Steven有5個半月時間都未準備好，甚至就Steven「減20kg係好辛苦」這句話，質疑他早前指自己80kg也是報細數。

大J上載自己同鍾培生嘅對話。

有網民覺得Steven當初「報細數」!

Steven講大話?

大J質疑Steven本身係咪有90kg重!

向來話題十足的兩人最近又出新料！

張致恒（Steven）與老婆區燕雯（雯雯）近年在社交平台相當活躍，愛好自爆家庭紛爭，因爲經常閙離婚因此獲封「離婚界KOL」。向來話題十足的兩人最近又出post，雯雯坦言與母親斷絕關係！

一家六口

兩公婆獲封「離婚界KOL」

兩公婆四年抱四。

咩都上網講，因此兩人好有話題性！

雯雯30日在限時動態黑底白字留言：「我發現好多人會關心我媽媽有冇幫過我，有，咁多年一定有，但依家大家嘅關係都只係一個債主同借款人。大家已經斷絕咗關係，所以佢冇必要幫我任何嘢，甚至照顧小朋友。大家各自都有大家嘅生活，都冇必要再扯上任何關係，再加上我有『網絡乞丐』呢個稱號，其實都冇必要影響任何人。所以我依家嘅生活，就只有我的家庭，所以希望大家唔好再問我！」

坦言與媽媽斷絕關係！

夫婦關係看似好轉