Mischa Manson合唱《心獸(怪物Version)》再演音樂劇 變熟絡想再合作

即將於9月18日舉行入行9年來首個音樂會《葉巧琳Mischa Ip 2021音樂會》的Mischa（葉巧琳），繼早前搵來《全民造星III》隊友Manson（張進翹）客串演出《怪物(心獸Verion)》MV後，最近再邀對方合唱《心獸(怪物Version)》，他們表示兩次合作是早有安排，而經歷過合演音樂劇《攣攣成人禮》變得更熟絡，希望下次再有機會合作。

Mischa笑指近期見Manson多過見男友，也擔心對方會呷醋。

Mischa最近忙於為首個音樂會準備，心情緊張又興奮。

Mischa（暱稱Mi）寫《怪物》時，已想好有兩個版本，更請來波多野裕介一次過將歌曲兩個版本編寫得充滿電影感，但覺得《心獸(怪物Version)》要多把人聲，於是就想到搵Manson合作，「我覺得佢好適合，佢把聲音好多變化，佢係演開戲，我想要嗰種電影感效果，佢係絕對能夠駕馭到。」兩人雖然在《造星III》都是A組，但未試過小組合作，原來並不熟絡，Mischa說：「除咗畢業禮個演出，真係傾偈都冇，只係食飯飄過，但係今次出到嚟效果都幾好呀！」Manson形容獲Mischa邀請時是𦧲飯應，「我聽完demo覺得好好聽，好有電影感，真係世界觀嘅一首歌，好想參與，跟住先至有MV呢件事。」

完成音樂劇後，Manson又要忙籌備下首派台歌。

《心獸(怪物Version)》MV中，Manson飾演神父，Mischa向他告解。 

早在《怪物(心獸Verion)》MV時，Mischa刻意安排Manson在最後幾秒驚喜現身。

Manson多得Mischa開解

Mischa和Manson坦言直到錄音都依然生疏，到拍MV時連踩20多個鐘對足一日才稍為熟識，要數真正了解要到合作《攣攣成人禮》，Manson說：「我哋由學歌到排戲，好似經歷好多小關卡，我同Mi都係第一次做舞台劇，過程裏面我有啲嘢好鑽牛角尖，Mi就好似一個幫我紓解諗唔通嘅姐姐咁，係咪嬲咗！哈哈！（Mi：係呀！我同佢講，如果聽你唱live好似播碟咁，而唔係睇個感情，樣樣嘢都係咁完美時，你係咪一個人呢？！我會咁樣拉番佢出嚟。）」兩人又不排除再有其他合作機會。

Mischa即將於9月18日在海洋公園舉行《葉巧琳 Mischa Ip 2021 音樂會》。

講到跟「媽媽」梁祖堯合作，兩人坦言繼續有得着，Mi說：「仍然喺佢身上學好多嘢，我諗佢（Manson）喺身上學更多，因為佢掙扎過，佢角色揣摩比較難。」Manson說：「我喺揣摩角色時有好多掙扎，好似收得好埋嘅心獸同埋怪物咁，令到戲劇上太過乖，變相個角色唔有趣，『媽媽』同我傾偈畀咗好多方法我去嘗試，令我明白用方法做就得。」

Mischa和Manson跟「媽媽」梁祖堯合演音樂劇《攣攣成人禮》。 

Mischa和Manson合唱《心獸(怪物Version)》後，再合演音樂劇《攣攣成人禮》變熟絡，希望能夠再有下次合作機會。

三人經過今次合作越來越有默契，更表示如果有機會都希望可以一起上綜藝！

早前林奕匡（Phil）演繹過《高山低谷》10周年版本後，帶同兩位師妹黃妍（Cath）及葉巧琳（Mischa）現身日本著名音樂頻道THE FIRST TAKE（TFT），並帶同最新作品《藝術與科學》登場。以往的藝人上TFT都會選擇自己最經典的歌曲，而三人竟選擇獻唱最新歌曲，Phil認為機會難得，就想到要寫一首好玩的作品，並找來Cath與Mischa合作，不過其實三個人音域不一，於是就選擇了一首原本為Solo的Demo，再調校音調 (Key)，令到三個人都可以去唱，由黃偉文Wyman填詞，道出男女雙方截然不同的愛情觀。

三人選擇獻唱最新歌曲《藝術與科學》（本網記者攝）

Phil則表示是因為機會難得，就想到要寫一首好玩的作品（本網記者攝）

關於三位的感情觀，Phil表示本身自己性格就比較理性，漸漸受到老婆的影響而變得浪漫，且音樂的熏陶也讓他多啲sense，但以前的他完全不懂浪漫！而Mischa自爆自己其實係「戀愛腦」，只要代入戀愛時就會變得相當不理性，並表示只要是喜歡的人送嘅禮物，無論是什麼都會好鍾意。反而Cath面對感情會相當理性，她表示自己本身就是工作狂，就算讀書也是「書呆子」的性格，永遠將朋友、工作以及家人放首位，反而伴侶就會放很後面。Mischa更調侃Cath認為她是沒有遇到自己真正喜歡的人，並幫Cath公開求偶。

Mischa自爆自己其實係「戀愛腦」（本網記者攝）

Cath意外地竟然非常理性！（本網記者攝）

三人關係一直好好，這次是首次合作。Phil決定這次合作好似朋友之間出Trip，一齊去做一個挑戰錄製THE FIRST TAKE：「咁我哋係籌備當中，就不斷去苦練，去到邊度都練，因為一來我哋要夾啦，二來唔可以唔記得歌詞。所以大家玩呢隻歌之外仲建立咗我哋嘅友誼。」Mischa亦表示這次經歷一定是畢生難忘的一件事：「因為我哋三個一齊共渡咗幾個禮拜嘅時間，對大家的了解又深咗，而且我哋三個一齊去『解鎖』一樣嘢嘅感覺非常特別！」

三人關係一直好好，這次是首次合作（本網記者攝）

關於三人一齊去日本的經歷，Mischa回憶道當時三人一齊去嘅日本，但扮成Mischa同Cath兩姊妹去日本旅行，但Phil不能出post「劇透」，不過錄製完之後三人亦都有一齊食餐好，一齊去玩同扭蛋！更爆料指Phil不喜歡行街，還突然自己跑去做GYM。而Phil則表示其實想要多啲時間去觀光，並透露自己去旅行特別喜歡去搭地鐵以及行超市，因為這樣能更融入與明白當地人的生活日常。

Mischa回憶道當時三人一齊去嘅日本，但扮成Mischa同Cath兩姊妹去日本旅行（本網記者攝）

Phil不喜歡行街，還突然自己跑去做GYM（本網記者攝）

Phil自爆自己是錄製最緊張的一個，因為他需要應付兩隻歌，需要早啲起身的同時，還有時差的影響，7日的Trip第三日就需要去錄製：「我心諗我都未適應到嗰邊，而且天氣又乾又凍」因此都會相當迷茫，聲音不是平時那樣，所以只能早起開聲。Mischa亦表示凌晨都會聽到Phil在唱歌。而當中最不緊張的就是Mischa，她還會幫兩人開解。因此Phil亦感歎：「呢個就係點解組合strong過個人！」

Phil自爆自己是錄製最緊張的一個（本網記者攝）

三個人在這次合作中非常默契，Mischa表示最重要的就是相信大家，Phil亦表示做好自己本分相當重要，「因為都會知道自己係會影響其他人嘅，與其去質疑他人不如令自己變得可靠，我希望我可以做到就算隊友有差池，我都可以承接到！」Cath透露其實默契都係大家練回來的，因為開頭連幾時要望對方，站位以及長短音都夾咗好耐。三人亦表示如果有機會可以嘗試拍綜藝，並直言應該會「好好玩」。

Cath透露其實默契都係大家練回來的（本網記者攝）

期待會有三人的綜藝！（本網記者攝）

Cath

Hair: Aki Choi @akichoi alex’s team @theattichongkong

Makeup: Carmen C @CarmenC

Stylist: Sam Cheung @exactly.the.sam

Wardrobe: Harvey Nichols HK @harveynicholshk

Phil

Hair: Kenki @w.work.shop

Makeup: Carmen C @CarmenC

Stylist: Sam Cheung @exactly.the.sam

Wardrobe: ithk @ithk

Mischa

MAKE UP: DAVINA @ CYRUS LEE MAKEUP TEAM @makeup.by.davinagc @cyruslee1018

HAIR: MILK CHAN @ XENTER @milkchanhair @xenter

Stylist: Sam Cheung @exactly.the.sam

Wardrobe: Harvey Nichols HK @harveynicholshk