食客目睹侍應回收二手飯出餐 事後揭食店向食環署講大話

帖文隨即引來網民熱議，「飯都重用，咁啲餸咪…」。

新冠肺炎疫情下，不少人都更注重衛生。不過近日就有網民爆料指，銅鑼灣一間餐廳回收食客的「二手」白飯重用，事後店家就透過Facebook私訊向事主道歉，但事主就指店家向食環署講大話，故決定直接開名！

資料圖片

該名網民在社交媒體Facebook群組「中伏飲食報料區」發文，控訴銅鑼灣京都廣場「麻辣風雲」的侍應，將「二手」白飯回收，放回電飯煲內重用。事主指，早前到該餐廳用膳，旁邊的食客與食客溝通一輪後，侍應將白飯拿走，並走到水吧，將白飯放回電飯煲重用。事主坦言無法接受如此不衛生的行為，「白飯係夾喺兩個客人中間，佢哋有傾有講口沫橫飛，白飯亦都唔知放咗喺枱面幾耐同埋有冇畀人食過」。

設計圖片

事主表示，後來自己叫的餐點送到，他便向侍應表示看到事發經過，想把白飯換成粉麵，但就遭到對方拒絕，僅指可到廚房換另一碗飯給事主。不過事主就指「我坐出面都唔知佢邊度裝出嚟就拒絕咗」。事主之後見到侍應繼續將回收的白飯裝給不同的客人，故決定向餐廳收銀處及食環署反映，又在Facebook私訊相關店家。店家就回覆指已請示老闆及進行內部檢討，並確保同一煲飯已倒掉，日後將加強員工內部訓練。

食店回覆。「中伏飲食報料區」FB圖片

不料，事主收到食環署電話指，該店家聲稱回收的白飯只是放在電飯煲旁邊，並無倒回去。事主不忿店家講大話，故發文將事件公開，又指：「如果只係放喺電飯煲隔離點解你inbox唔講？點解要倒晒啲飯呀？點解要同我道歉？」事主批評店家缺乏衛生意識。

有食客指，目睹銅鑼灣一間餐廳回收食客的「二手」白飯重用。「中伏飲食報料區」FB圖片

帖文隨即引來網民熱議，「飯都重用，咁啲餸咪…」、「睇到真係好嘔心，無奈呢啲事每日都發生緊」、「離晒大譜喎，有冇疫情都超級唔衛生囉」，亦有人分享自身經驗，「試過叫凍檸茶走甜，嚟到啜一啖有甜叫侍應換過杯，睇住佢將我杯啜過嘅檸茶畀第二枱客（飲管都冇換）我都嚇一跳」。

資料來源：「中伏飲食報料區」Facebook

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」