網民透露，「點知佢唔知係咪驚死我唔還錢，定可能佢真係想『提醒』我喇！
俗語有云人情還人情數目要分明，有網民拜托同事用信用卡代為付款幾百元，結果翌日即在公司通訊群組被追債，令網民十分不悅「真係一件小事就睇清一個人」。
有網民在「香港討論區」發帖，指昨日外出用膳期間無帶信用卡，食完飯見到心頭好想買，於是問了一個比較相熟的同事幫忙，用信用卡代付幾百元。網民稱用電子支付程式即時轉賬，但對方沒有該程式，所以「我都話第二日畀返佢」。
網民稱突然想購物但不夠現金，所以借用同事信用卡付款。示意圖片
網民透露，「點知佢唔知係咪驚死我唔還錢，定可能佢真係想『提醒』我喇，今朝佢喺公司個大GROUP叫我還錢，全世界都見到，佢真係XXX」。
unsplash示意圖片
網民稱原本打算今日中午去提款機取現金還錢，「都唔爭在嗰幾個鐘呀嘛？有冇咁等錢洗呀？要喺公司個大 GROUP 到叫我還錢？你有冇問題呀？咩都放上枱去講？之前幫你比食飯錢又唔見我催你？」網民不忿「真係一件小事就睇清一個人」
unsplash示意圖片
不過有網民認為發文者過分，「幾嚿水做乜揾同事碌卡呢？收工先買丫嘛，講真丫，第二朝見到面就應該即還啦！俾同事追數都係要硬食囉！」、「你今日有錢襟，琴日無錢襟。無錢就唔好買住，點解要人幫你碌卡？太多你呢類人，當中好多叫極唔還，幫人個個忽然慘過問人借咗錢。唔想係人都知你會叫人碌卡，以後唔好扮熟老哂馮」、「食完飯重有時間行街+買嘢。咁咪去撳機攞錢買或即日還囉。有時間買嘢，無冇時間撳機?」
帖文轉載自「喺公司大group催人還錢」
網民不忿借幾百元翌日即被同事公開追債。示意圖片
港男家中陷財困需賣樓解困，但母親將雜物塞滿600呎單位導致一屋蟲屍，令他欲哭無淚指「根本冇人想要」。
(FB圖片）
母親囤積成癮在單位塞爆雜物
該港男的女友於Facebook群組「香港突發事故報料區及討論區」發文，表示「男友叫我代po唔想揚」，她提到，男友的父母住在一間約600呎的自置單位，但因母親長期囤積各種雜物，家中只剩50呎的活動空間。
物品堆疊至天花板衛生狀況惡劣
從照片可見，客廳內堆滿了一袋袋及一箱箱的物品，物品堆疊至已經剝落的天花板。窗戶也被雜物遮擋，室內冇光非常陰沉。而屋內僅剩一條狹窄的通道勉強通行。樓主表示這些雜物不僅影響了居住環境，還引來蟲蝨，衛生情況惡劣。
(FB圖片）
男友父親出現經濟問題需賣樓但單位無人問津
該女網友指男友的父親最近遇到經濟問題，「要用好大金額」急需賣樓籌錢，但由於單位狀況太差，根本無人問津「層樓而家咁樣根本冇人想要，成間屋又多雜物多蟲屍，仲要唔知係咪蚤，上親去一定比嘢咬。」。
男友難頂母親惡習已搬離
樓主又指，男友的母親並不覺得自己的行為有問題，認為自己帶回來的物品沒有影響到他人。他們曾經建議父母離婚，但母親也拒絕與家人溝通解決問題。男友亦「頂唔順」，早已搬出自住，但回家後發現情況依舊沒有改善，甚至愈加嚴重。
(FB圖片）
家中有大量蟲虱清潔公司拒絕接案
男友也因為家中有大量床蝨，被叮咬引起皮膚敏感和痕癢，家人曾經嘗試過找專業的清潔公司，但對方一聽到家中有大量雜物和蟲害問題，都不願接案。樓主無奈表示「到底點可以解決到呢啲囤積問題？唔通真係要東張先唯一辦法？有咩執屋公司可以幫到？」
GETTY圖片
網民籲帶母親求醫解開心結
帖文引熱議，不少網民提議帶男友的母親求醫，了解她的心理問題，逐步說服她接受改變「屋企人可能要睇醫生，或許是精神科問題。囤積症」、「通常有呢種情緒病都係因為心結，想化解呢啲問題係要搵專家同佢傾」、「真係要想辦法捉佢去睇醫生，執100次屋都冇用」、「冇得救啦！你同佢掉左執過又點，下次又黎。直接叫佢睇醫生啦」、「睇心理輔導，疏理吓個人情緒，客觀地討論賣樓嘅必要性，要佢明白無太多選擇嘅情況下需要放下」。
Getty圖片
帖文來源：Facebook群組「香港突發事故報料區及討論區」
